Khliehriat Nailur 28: Ki bor district jong ka East Jaiñtia Hills District, lyngba u District Magistrate u Shivansh Awasthi, IAS ha ka jingpyllait khubor mynta ka sngi u pynbna ba la pyntreikam ïa ki kyndon aiñ jong ka 163 Bharatiya Nagarik SurakshaSanhita 2023 ha East Jaiñtia Hills District kane ka aiñ ka dei ka jingmana bad khanglad ban ïalum briew palat san ngut ne kano kano ka jingïalum paidbah hapoh ka district.
Katkum ka hukum la mana ban pynlong ïa kino kino ki jingïalang paidbah ne kino kino ki rally ne ki procession ha East Jaiñtia Hills District.
La ong ba lada don mano mano ba leh pyrshah bad pynkheiñ ïa kane ka hukum kin ngat ha ka aiñ kaba hapoh ki kyndon ne section 223 jong ka Bharatiya Nagarik SurakshaSanhita 2023 bad kane ka hukum kan treikam noh mardor tat haduh ban da pynbna da kumwei pat.
