Khliehriat Lber 9 :Ka Seiñ Kur Dkhar, East Jaiñtia Hills District, kaba la thum ban pynlong ïa ka fete ha ka 11 tarik u lber 2023, ka pynbna paidbah ba na ki daw bym lah kiar, ka hap ban pyn sangeh shwa bad yn pynsangeh shwa ruh ïa ka jingpynïakhalai nusip Lucky Draw bad ïa ka tarik kaba thymmai ba yn sa pynlong ïa katei ka fete bad ka Jingiakhalai Lucky Draw ka Seiñ Kur Dkhar East Jaintia Hills District, kan sa pyntip kloi hapoh jong kine ki khyndiat sngi.
La ong ruh ba hadien ba ka Executive Committee jong ka Seiñ Kur Dkhar East Jaiñtia Hills District ka la dep ban ïashong pyrkhat kam, la pyntip sha baroh ki parakur Dkhar bad ki paralok ba ka jingpynïaid ïa ki Ticket Lucky Draw kan ïaid beit ïaid ryntih hi shaid shaid kumba ju ïaid, bad la kyrpad ïa kito ki para kur bad ki paralok ki bym pat dep pynïaid lut ïa ki Ticket Lucky Draw ba kin sngewbha ban pynïaid kloi ïa ki, khnang ba yn ïoh ban pynïakhalai nusip ïa ki ka tarik ba thymmai ha kaba yn sa pynlong ïa katei ka fete jong ka Seiñ Kur Dkhar East Jaiñtia Hills District, kane ka long kat kum u kyrwoh ba la phah u President Seiñ Kur Dkhar, East Jaiñtia Hills District, u bah Teras Dkhar.
