Nongpoh, K’Lyngkot 06: Ka ophis u Deputy Commissioner Ri-Bhoi District lyngba ka tnad Election mynta ka sngi ka la pynlait paidbah ïaka thup ba khatduh ne Final Publication jong ka Electoral Roll na ka bynta ki 5 tylli ki Assemblies Constituencies jong ka Ribhoi District kiba kynthup ïaka 8–Mawhati Assembly Constituency, 9 – Nongpoh Assembly Constituency, 10 – Jirang Assembly Constituency, 11 – Umsning Assembly Constituency and 12 – Umroi Assembly Constituency.
Ïa katei ka jingpynlait paidbah ïaka thup ba khatduh jong ka Electoral Roll la pynlong ha Conference Hall jong ka ophis u DC Ri-Bhoi daka jingdonlang ka kong B.Ranee Addl. Deputy Commissioner, R. Brahma Addl. Deputy Commissioner, bah E.K Dkhar, Asst. Commissioner lem bad kiwei kiwei ki nongmihkhmat naki seng saiñ pyrthei bapher bapher.
Shuh shuh ha katei kajuh ka sngi sngi naka liang kitei ki heh ophisar ki la ïoh ruh ban aiti syndon ïaki Final Publication jong ka Electoral rolls sha ki nongmihkhmat jong ki seng saiñ pyrthei kiba la wan ban ïadonlang ha katei ka jingïalang.
Ïa ka kopi jong kitei ka thup kyrteng ryngkat ki jingpynkylla lah ban ioh na ophis jong u Electoral Registration Officer bad haki polling stations jong ki Constituency bapher bapher.
