Nongstoiñ, Jymmang 24:Ka jingbuh jong ka sorkar ïa ka jaka ri blang ha Nongshilong Eastern West Khasi hills ka la ïaid da ki bun bun snem hynrei haduh mynta ka dang sah hi kumjuh bad kam shym pat la don kano kano ka jingpynkylla lane ka jingpynthymmai ïa ka rukom ri jingri ha katei ka jaka.
Dang hakine ki khyndiat sngi u nongthohkhubor jong u Mawphor u la hiar ban jurip ïa katei ka jaka bad la ïoh ban ïalkynduh ïa ka nongtrei kaba dei peit ïa ka tei ka jaka ri blang ha katei ka jaka.
Haba ïakren bad katei ka nongtrei ka la ong ba nalor jong ka ki don tang arngut ki nongtrei kiba sah ha katei ka jaka ban peit ban khmih ïa ki jingri kata uwei u chowkidar bad kawei ka nongpynkhuid ï ki sem blang.
Haba kylli pat ka kitei kiba trei ha katei ka jaka ki dei kiba long regular ne ikiba shu trei casual, ka la ïathuh ba haduh mynta kitei ki nongtrei kim pat dei satia kiba trei regular wat la ki sah ha katei ka jaka ban peit ban khmih ïsa ki jngri.
Ha kaba ïadei bad ka jingdon jong ki blang ha katei ka jaka ka la ïathuh ba haduh mynta ki don kumba shi spah tylli ei ei.Nalor kata ka la ïathuh ba kumba ka long mynta ha Eastern West Khasi hills ka don sa kawei ka jaka ri blang ba la buh da ka sorkar ha ka shnong Manai bad ki don ruh ha kiwei pat ki jaka bad haba ki don ki nongshong shnong kiba kwah ban ïoh jinghikai pyntbit ha ka kam ri blang ka sorkar ka ju phah sha katei ka jaka ri blang ha Nongshilong ba kin leit ban sha hikai pyntbit ha katei ka kam.
Haba phai sha ka jinglong jong ki jaka ha katei ka thaiñ khamtam eh ha ki ranab bad ki kliar jong ki lynter lum Mawthadraishan ki long ki jaka kiba paka eh ban ri blang namar ka jing don jong ki khlaw bniap, ki maw ramsong ki synrang maw kiba dei ki jaka ba ki blang ki sjuh bha ka dei ka kabu kaba khraw ïa ki nongshong shnong ba kin kyrpad ïa ki bor sorkar ban pynbun ïa ki prokaram ai jinghikai pyntbit ha ka kam ri blang ban ba kin shim ruh ba ka kam ri blang ka dei kawei a ki lad ban kyntiew ïa ka ïoh ka kot ka kamai kajih jong ki.
