Kyrshan ki samla ka jylla ïa ka jingshah thngan u Sonam Wanchuk, da ki placard rah ban pynpaw ki jingdawa

Shillong, Naitung 20: Ki samla ka jylla bad khamtam ka Nongbah Shillong ki la pynlong ka jingïakhih bajar jar, kaba jai jai ha Don Bosco ban kyrshan ïa ka jingshah thngan jong U Sonam Wanchuk uba ïakhih na ka daw ka jinghiar palat ka pule puthi ha ka ri, nangta ka jinglait tuh ki paper Neet exam, kaba la pynlong ïa katto katne ki samla pule ban shim ïa la ka jong ka jingim.
Kine ki samla ym tang ba ki pynpaw ka jinghiar palat ka pule puthi ha Meghalaya kaba mynshwa ka long halor duh hynrei mynta pat ka sha tduh ban ïa ka jylla Bihar.
Kine ki samla ki pynpaw ruh ka jingkyrshan ïa ki samla ha Jantar mantar la 20 Sngi na ka bynta ban pynbha ïa ka pule puthi, hynrei ka Sorkar ka pyndonkam pynban da ka bor.
Ki samla ki la dawa ruh ïa u Myntri ka Tnat pule puthi ka Sorkar Pdeng ba un hiar shuki na ka daw kine kiei kiei ki jingjia.
Kine ki samla ki la dawa ruh ba kadei ban don ka jingai jingkheiñ kaba shai kaba khuid ba suba haba ïadei bad ki rukom treikam jong ka tnat pule puthi, nangta ban sngap lem ïa ki jingeh jong ki samla naba na kane ka jingthurmur ka rukom treikam ka la wanrah ïa ki samla ban shim ïa la ki jong ki jingim tang na kane ka daw, namar ki la dep ban pynkhreh bha ban pass, ha kaba khatduh pat ka la kylla da khongpong.
Kine ki samla ki la pynpaw ruh ka jingkyrshan kaba khraw ïa ki samla kiba dang ïakhih ha New Delhi ha Jantar Mantar kiba ïakhih haduh mynta ki sngi kaba la long kumba 20 sngi na ka bynta ka daw bah jong ka bha ka miat jong ki khun samla kiba pule ha ka ri baroh kawei.