Kynmaw haba phi ñion ïa u budam EVM un treikam na ka bynta 5 snem: Conrad

0

Tura Rymphang 25: U President ka National People’s Party (NPP) u Conrad K. Sangma haba kren ha ka jingïalap elskhon kaba kut artad shuwa ban poi ka sngi thep vote u la kyntu ïa ki paidbah jong ka Tura bad ka jylla ba ki dei ban kynmaw ba ka jingñion ïa u budam ha ka EVM kam dei tang na bynta shi sngi hynrei na bynta ka san snem kaban wan.
Haba kren ha ka jingïalang kaba long ha Tura u Conrad u ong, “Kynmaw ba ka vote jong phi ka dei na bynta san snem , namarkata kaba donkam eh ka long shuwa ba phin vote da pyrkhat janai ïano phi vote namar lada phi bakla ha kato ka shi khyllipmat ka jingsaja kan dei na bynta baroh san snem.”
“Ha ki aiom elekshon kynmaw wat ju shu bud lymmuh da kaba bud ïa kiwei pat hynrei bishar ma phi bad bad sa shimrai,” u la kyntu.
U la ong ruh ba kane ka jingpynkut jong u ïa kane ka jingïalap elekshon ha ïew tura ka dei namar u jied ban bud ïa ka dienjat kaba u kpa jong u u la pruid dak bad u la ong ruh ba ka nuska bad ka jinghikai kaba u la ïoh u la pyrshang ban bud ryngkhi ïa ki.
“U PA Sangma u la dei u nongïalam u ba khraw ym tang ka Garo Hills hynrei jong ka ri namar u la hikai ban buh nyngkong ïa u paidbah ha man ki kam kiba ngi leh,” ong u Conrad.
U la ong ruh ka jinglah jong ka NPP ka party kaba la sdang na ka jylla ban kynjoh shaduh ka kyrdan kum ka national party tang hapoh ka 10 snem ka la sakhi ïa ki kam bakhraw jong u.
“Kiwei ki party ki lah ban wan ban leit hynrei ngin ïai don hangne na bynta jong phi,” u la bynrap.

Leave A Reply

Your email address will not be published.