Nongpoh, Naiwieng 02: Kawei ka trok kit LPG kaba don ïa u registration number MN 03 D 3342 ka la kylla syndon mynta ka sngi U Blei bad la hap ha kawei ka bynta ba lang um ha rud surok ha shnong Umtrew, Ri-Bhoi District.
Katkum ka jingtip bala ioh lum, la ong ba katei ka trok la ñiah da u Priyo Kumar Singha na Assam, uba dang thmu ban kiew sha Shillong. Hynrei haba poi ha katei ka jaka, ka trok kala kylla bad suba ba lah ban dei na ka jingpynher sted palat.
Ha kane ka jingjia, u nongñiah u la mynsaw jur bad la pynkit noh sha Umsning CHC na ka bynta ka jingsumar. Na ka liang ki pulit jong ka Umiam Police Station, ki dang pynlong ia ka jingtohkit halor katei ka jingjia.
Ki pulit ruh kim pat nud ban pynkhih ïa katei ka trok haduh mynta, namar ki dang ap shuwa ïa ka jingpeit bñiah jong ki riew shemphang na ka company LPG ban pynthikna ba kam don kano kano ka jinglaitlyer ne jingpei jong ki tyndong gas kiba don hapoh katei ka trok.Da ka Mass bakhuid kynmaw burom ka Nongpoh ïa ki mynsiem ba la khlad ha u Lum Jingtep Katholik ha Mawroh.
