Kitbok ka ka KSU ïa ki samla pule ka Bri Hynñiewtrep

0

Shillong, Lber, 01: Ka Khasi Students’ Union lyngba ka Education Cell ka phah ïa u kyrwoh kitbok kit rwiang sha baroh ki samla pule Khasi kiba shen kin sa ïakhun ïa ka eksamin SSLC bad HSSLC bad kiwei kiwei de ki eksamin bapher bapher ki jong ki ha kine ki khyndiat sngi ki ban sa wan.
Ha kum kane ka juk kaba mynta kaba long ka juk jong ka jingïakhun ki samla ki donkam ym tang ban ïoh kheit ïa u soh ka jingjop hynrei ban kiew ruh sha ki kliar jong ka jingjop.
Shuh shuh ka juk mynta ka dawa shibun kiei kiei na ka bynta ka jingbha bad jingmyntoi ka imlang ka sahlang, kumta ka Education Cell, lyngba u Vice Chairman u smala S. Kharbihkhiew, ka kyntu ïa ki samla pule ban trei borbah bad minot thop khnang ba kin wan sha khmat ha ki jingpule ki jong ki.
Katba dang ïaid ki sngi bad ka por ngi ju sakhi ba ka jaibynriew Khasi ka la hiar arsut ha ka liang ka pule puthi, la kham niar ruh ban shem ïa ki samla Khasi ba kin pas ïa ki kynja eksamin ba kham heh kum ki Civil Services bad kiwei kiwei. Haba peit pat ïa kiwei ki jaidbynriew, la ïohi ba ki la nang kiew shaphrang bad kane ka long ka jingma ïa ka jaibynriew, namar ba lada kan ïai bteng ban long kumne shen ngin sa long kiba sahdien tam ha baroh ki liang namar ka jingnang jingstad ka long ka atiar kaba radbah tam ha ka ban kyntiew ban pynkhlaiñ ïa ka jaidbynriew, la ong ka KSU.

Leave A Reply

Your email address will not be published.