Shillong, Nailur 15 : Ki nongïalehkai pyni dohksah ka jylla ba kynthup ïa u Vikas Chettri lem bad ka Taichang K Marak , kiba dei ki nongïalehkai jong ka Meghalaya Body Builders’ Association ki la ïoh ba kin khur ïa ki takma rnong ha ka rynsan ïakob pyni dohksah ba la tip ïa ka kum ka North East Body Building Championship kaba long ha ka 11 bad ka 12 tarik mynta u bnai ha Kohima, Nagaland.
Kat kum u kyrwoh, ha kane ka rynsan ïakhun u Vikas Chettri u la kiew rynsan ban ïa khun ha ka kyrdan jong ka 80kilo bad ka Taichang K. Marak ka la kiew rynsan ba kan ïakhun ha ka kyrdan kaba 70kilo bad kumjuh ha ka kyrdan ïakhun jong ka Women’s Model Physique.
Nalor kata la don ruh sa arngut ki nongïashim bynta sha kane ka jingïakob ba kynthup ïa Shano Chelsy M Sangma Women’s Model Physique bad kumjuh Dr. Mebanrilin Synnah Women’s Model Physique.
Ha kane ka jingïakob, na ka liang Dr. Mebanrilin I la lah ban ïoh bat i aka kyrdan kaba 4, ha ka kyrdan ïakhun ba I la ïashim bynta.
Ia kane ka jingïakob la pynlong ïa ka da ka Nagaland Bodybuilding and Fitness Association hapoh ka jingpeit bad khmih jong ka Indian Bodybuilding and Fitness Federation bad the Northeast Bodybuilding Federation.
Ha kane ka rynsan ïakhun ka jingïakob na ka bynta ki shynrang ka kynthup naduh 55 kilo, 60 kilo, 65 kilo, 70 kilo, 75 kilo, and 80 kilo bad shajrong.
Nalor kata la bynrap sa ka Men’s Sports Physique ha ki artylli ki jingjkrong rynieng ba 165cm bad 165cm shalor, katba na ka liang ka Women’s Model Physique la pynlong kyllum lang.
U kongsan ba la don lang ha kane ka sngi dei u Councillor of Ward 19, Kohima, Medoviu Martin Suohu, katba u IGP (Armed Battalion-NAP) Imnalensa, IPS u la long kum u symbud kongsan.
