Jowai, Nailur 15: Ka lympung ïalehkai phutbol bala tip kum ka (L) Joybell Suiam Memorial Football League 2026 haka kyrdan 2nd Division bala pynïaid da ka Thadlaskieñ Sport Association kaba la long mynta ka sngi 15 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka United FC kala jop da 3-1 kol ïaka Niriang SC, ïa ki kol na United FC la thep da u Eddyson War haka minit ba 23, u Avi Lamare haka minit ba 54 bad u Nathan Muksor haka minit ba 57. Ïa ka shikol na ka Niriang SC la thep da u Defence Pale haka minit ba 26.
Ha ka jingïakhun kaba ar ka Mukhla Veterans kala jop da 2-0 kol ïaka Tympang SC Iongshiwiat, ïa kitei ki ar kol la thep da u Deibormi Shylla haka minit ba 14 bad u Ricky Sari haka minit ba 32.
Katba ha ka jingïakhun kaba lai ka Namdong Christian Club kala jop da 8-2 kol ïaka Lumkynter FC, ïa ki kol na ka Namdong Christian Club la thep da u Remember Pasi ha ka minit ba 9, u Starwel Sungoh ha ka minit ba 19, 21, 40 & 60, u Waipor Myria haka minit ba 35, u Rimiki Myria haka minit ba 63 bad u Kriskot Mukhim haka minit ba 54. Ïa ki kol na ka Lumkynter FC la thep da u Plielad Dkhar haka minit ba 11 bad u Graceful Lamare haka minit ba 29.
La pyntip ka jingïakhun lashai ka sngi 16/09/2026 haka por 10 baje mynstep ka Mukhla Mission pyrshah ïaka Mynkrem SC, haka por 12 baje mynsngi ka Moddymmai SC pyrshah ïaka Lad Mukhla. Katba haka por 2 baje nohphai sngi ka Maya Club Wahïajer pyrshah ïaka Moobakhon Tyllilang.
