EJHDFA : Jop ka Sutnga SSCC ha ka Super Division, ka R. Synrang Shahkhain SC ha ka 1st Division
Jowai, Nailur 15: Ka lympung ïalehkai phutbol jong ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long mynta ka sngi 15 tarik Nailur ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” ka Sutnga SSCC kala jop da 2-1 kol ïaka Chiehruphi SYWSC, ïa ki kol na ka Sutnga SSCC la thep da u Kamkhosat Hoikip ha ka minit ba 22 & 58, ïa ka shikol naka Chiehruphi SYWSC la thep da u Wanrilangki Lamare haka minit ba 66 lyngba ka Penalty.
Katba ha ka jingïakhun jong ka Thomas Nongtdu Memorial Trophy jong ka kyrdan 1st Division League 2026 ka Rymbai Synrang Shahkhain SC kala jop da 5-0 kol ïaka Sutnga Mission SSCC, ïa ki kol naka R. Synrang Shahkhain SC la thep da u Seigoulen Kipgen haka minit ba 11, 59, 72 & 75 bad u Ribiang Dkhar ha ka minit ba 48.