Khur jingjop ka Cluster ha ka Shillong Cricket League Second Division 2024/25

0

Shillong, Kyllalyngkot 31: Ka jingïalehkai jong ka lympung Shillong Cricket League Second Division 2024/25 ba la pynïaid da ka Shillong Cricket Association hynne ka sngi Thohdieng. Ka jingïakhun hapdeng ka Akadimia Langsning CC pyrshah ïa ka Cluster CC ka la poi sha kaba kut ha kaba ka Cluster ka la jop kput haduh 167 ron.
ïa ka toss la jop da ka Akadimia Langsning kaba la jied ban bol nyngkong, na ka liang jong ka Cluster ka la lah ban shan tyngeh ha ka tied ban kynjoh 245 ron haduh kaba kut jong ka 20 over ba la mang bad hap 7 wiket. Ki nongtied kiba la seisoh ki long u Roshan (62 ron naki 32 bol) bad u Kasim (66 ron naki 27 bol).
Haba phai sha ki rangkawang bol ka liang pyrshah, u Dp tynsong u la khur 2 wiket naki 4 over bad shah tied 33 ron naki bol jong u, katba u Shaan ruh u la khur 2 wiket naki 4 over bad ailad 33 ron.
Haba pyrshang ban jubab, ka Akadimia ka la shah khanglad noh tang ha ka 17 over naba khyllem baroh 10 wiket tang na bynta 78 ron, dei tang u Samelawan (24 naki 35 bol) bad u Mackie (10 ron naki 16 bol) kiba la kham seisoh ha ka tied.
Haba phai sha ki rangkawang bol jong ka Cluster, u Basant u la khur 2 wiket naki 4 over bad shah tied 18 ron, hynrei ïa ka namtam “Player of the match” la ïoh da u Rahul uba la khur haduh 4 wiket naki 4 over da kaba ailad tang 14 ron kaba la kyrshan borbah ïa ka Cluster ban jop suk da 167 ron.

Leave A Reply

Your email address will not be published.