Nongpoh, Rymphang 22: Hadien ka jingtrei shitom jong ki pulit ban pynlong ka jingtohkit ban buddien bad ban thwet ïa kiba donkti pynïap ïa u heprit ha ka shnong Umtangar ha Ri-Bhoi District, ki pulit ka Ri-Bhoi kila ioh ban kem noh ïa 2 ngut ki briew ba suba donkti ha katei ka kam.
Na ka liang u heh pulit ka Ri-Bhoi u Jagpal Singh Dhanoa u la pyntip ba tang hadien bala la lap ïa ka met jong u heprit Kitdorlang Marbaniang ha ka janmiet jong ka 18 tarik mynta u bnai ki pulit kim shym la shongthaid ban buddien ïa katei ka kam bad la register mukotduma ha Patharkhmah Police Station katkum ka Case No. 01(2)2024 U/S 302 IPC bad la kem ruh 2 ngut ki briew ba suba donkti ha katei ka kam.
Kitei ki 2 ngut bala shah kem ha ki pulit ki kynthup ïa u Pynshailang Warjri (32) na ka shnong Umtangar Ri-Bhoi bad u Banshngai Tynshong (28) na Nongthymmai, Lapalang East Khasi Hills District bad u ba shong ba sah mynta ha Umtangar Ri-Bhoi bad ka jingtohkit mynta ka dang ïaid shakhmat ban lap ïa ka daw ba ki pynïap ïa u heprit bad ban lap shuh shuh kiwei kiwei ba donkti ha katei ka kam.
