Nongpoh, Rymphang 16 : Ka Party NPP mynta ka sngi ka la pynlong ïaka jingïalang paidbah ban pan jingkyrshan sa shisien naki paidbah jong ka Jirang constituency ban kyrshan ïa u bah Sosthenes Sohtun ban pynjop biang ïa u kum u MLA ha kane ka election. ïa kane ka jingïalang paidbah la pynlong ha Western Ribhoi ha ka shnong Patharkhmah ha kaba la sakhi da ki hajar ki paidbah ki la wan ban sakhi iakane ka jingïalang. Hakane ka jingïalang paidbah jong ka NPP la wan ban sakhi lang da u National vice president ka NPP U Bah Prestone Tynsong, u ma Sniawbhalang Dhar, u Bah Victor Ranee MDC ka Jirang ha ryngkat ka jingïadon lang ki nongtrei ba radbah jong ka Jirang constituency, ha ryngkat ka jingïadon lang bad ki paidbah ki ba la wan ban ai ïaka jing kyrshan ïa u Bah Sosthenos Sohtun.
Naka liang u symbud Myntri Rangbah ka Jylla u bah Prestone Tynsong u la ai ka jingïaroh ïa u bah Sosthenes Sohtun u ba long u nongïalam ba dang shen hynrei u la lah ban wanrah ïaki kam pynroi ki ba da ki spah klur ha ka Jirang constituency kaba kiwei ki nongmih khmat ki ba la leit kim lah ban wanrah haki ne ki phew snem ki ba la dep hynrei kumba ïohi mynta ha Jirang constituency kala ïoh lut ïakaei kaba donkam kynthup ha ka liang jong ka Surok, pule puthi, ka rukom pynbiang ïaki um bam umdih ha man la ki shnong naka liang u symbud Myntri Rangbah u la ong ruh ba ka NPP kadei ka wei ka ba kwah ban wanrah ïaka jing kylla ha ka Jylla hynrei kidon beit ki ba kynthoh.
