Ka jingmih u Bah Plielad Tiewsoh ka dei ka jingkyrkhu ïaka party, ong ki nongïalam NPP Nongpoh

Nongpoh, Nohprah 20: Ki nongïalam ka NPP Nongpoh Constituency kila mih shakhmat ban pynrem jur halor ka jingkren laplah jong u Bah Plielad Tiewsoh u ba dei u nongïalam ka NPP ha Ri-Bhoi u ba la iehnoh kam dang shen, ha kaba kila pynpaw ba ka jingkren jong utei u rangbah ka long kaba khlem nongrim ka bym don ka jingshisha, kaba dei tang ka jingpynsngewthuh bakla ïaki paidbah jong ka Nongpoh Constituency bad ka ñia elekshon.
Haba phah ïaka kyrwoh bala soi da u Bah Rayonald Kharkamni, Bah Minsing Makri, Bah Stoin R Syngkli kiba dei ki Working President ka NPP Nongpoh Block bad kumjuh ruh u Bah Lawrence Nongrum General Secretary kila pynshai ba haka 05/12/2022 u Bah Plielad Tiewsoh u la shah sospon 6 bnai na baroh ki kam ba u bat haka party NPP bad ngi kwah ba un ai ïaka jubab shaki paitbah balei ba u lah shah sospon wat tang hadien 7 bnai eiei ba u la wan ban pynïasoh shaka seng NPP? Naka liang ka seng ngim kwah ban thad ïa u ne u rangbah haba ka seng ka la sospon ïa u hynrei ngi burom ïaka long rynieng jong u bad ngi khlem la ai shaki lad pathai khubor.
Halor ka jing kam jong u Bah Plielad Tiewsoh kum u President jong ka NPP Nongpoh Block ka long kaba bakla bad khlem nongrim namar katkum ka riti treikam jong ka seng National People’s Party (NPP) ïa ki Block President la thung (Appoint) da ki District President bad u President jong ka Ri-bhoi District NPP u la dep ban thung (Appoint) ïa ka kong Macdalyne S Mawlong kum ka President jong ka National People’s Party (NPP), Nongpoh Block haka 26-02-2022 bad haduh mynta ka kong Macdalyne S Mawlong ka dei ka President jong ka NPP Nongpoh Block.
Halor ka jing kynnoh ba ka kyrtong ka NPP na Nongpoh kam pat long ka nongïalam ba shemphang bad kam pat lah ban shim rai nalade ngi kwah ban pynshai ba ka kong Macdalyne S Mawlong ka la dei lypa ka nongmihkhmat paitbah kum ka MDC bad EM ha KHADC bad ka jing kynnoh jong u riew shimet kam shong nongrim bad ka dei tang ka ñia pynthoh bria elekshon bad ngi kyrpad ïaki paitbah ba kim dei ban shah ïalam bakla ha u riew shim kabu election bad ngi tip bha ba u ne u rangbah u la shait ïa shim bynta haki jing ïakhun ban long nongïalam shnong bad baroh ka kynti kiba u la ïakhun u lah shah kyntait haki paitbah bad u ba la ïakhun teng haka election MDC ngi kwah ban pynkynmaw biang iaki paitbah ba katno vote u ne u rangbah u ioh haba u ïakhun.
Kila pynpaw ruh ba u Bah Plielad Tiewsoh u la wan ban pynïasoh shaka seng NPP haka 12-04-2022 bad ka daw bah jong ka jing wan ban pynïasoh ka long namar ba u ne u rangbah um don jaka shuh ban rieh bad u la duh ïaka jing shañiah haka seng kaba u don mynshwa bad ka jing kren jong u bah Plielad Tiewsoh ka paw shai ba u long u agent jongno re jongno.
Ka jing mih jong u bah Plielad Tiewsoh hadien ka jing shah sospon kan ym don kano kano ka jing ktah ïaka seng NPP Nongpoh namar ba u ne u rangbah u la pynkulmar jingmut ïaki ba bun ki nongkitkam ka seng bad mano ba lah ban shañiah ia u briew u ba kylla khlieh khlieh tdong tdong kumba ka ktien tymmen ka ong bad hadien ka jing mih jong u bah Plielad Tiewsoh ki ba bun ki paralok kiba la wan ban pynïasoh sha ka seng NPP khamtam lei lei naka thaiñ Nongpoh.
Naka liang ka seng NPP Nongpoh Block ngi ai ka jing kitbok ïa u ne u rangbah namar ka jing mih jong u naka seng NPP ka la long pynban ka jing kyrkhu ïaka seng NPP Nongpoh Block namar ba u ne u rangbah u long u ba la bun daw palat bad naka liang jong ki nongkitkam ka seng NPP Nongpoh ngi ai ka jing shaniah kaba skhem hapoh ka jing ïalam jong ka kong Macdalyne S Mawlong bad ngi kyrmen ban poi sha ka thong ha u 2023 bad ngi pynshai baka jing kynnoh baroh ïaka kyrtong ka NPP Nongpoh ka long kaba bakla bad ka bym don nongrim eiei bad ka dei tang ka ñia elekshon, la bynrap kitei ki nongïalam.