Nongpoh, Jylliew 14: Kawei na ka seng jong ka jylla ba la tip kyrteng kum ka Hynniewtrep Youth Development Council (HYDC) sengkmie mynta ka sngi hapoh ka jingïalam u President u Bah Wyraiwan Sohtun lem bad ki dkhot ki la hiar sha ka thaiñ Byrnihat ban jurip ïa ki Karkhana na ka bynta ban wad jingtip la ki Karkhana ki pyntreikam neem katkum ka
Meghalaya Industrial and Investment Promotion Policy 2024 ba ki Karkhana ki dei ban ai kam shwa ïa ki samla trai jylla bad ruh ban pyntreikam ïa ka Minimum Wages Act 1948 (Central Act XI of 1948) ba la pynthymmai dad k ka sorkar jylla ba ki Karkhana ki dei ban siew ïa ka dork aba biang sha ki nongtrei naduh kiba sdang ban trei bad ruh kiba la tbit ha ki jingtreikam.
Ha kane ka jingjurip ïa ki Katto katne ki Kharkhana ka seng ka la tahr uh da ki Kot lyngkdop ba la pynmih da ka sorkar na ka tnad Labour bad Commerce and Industries, kiba dei halor ki rukom thungkam thungjam ba hap phai khmat shwa ïa ki trai jylla bad ruh ba ki karkhana ki dei ban siew da ka dor ba la buh da ka sorkar. Kaei kaba pynsgnewsih ïa ka seng kumba la lap ka dei ka jinglap ba don ki Karkhana kiba duna bha ki nongtrei Khasi bad ka dor kaba ki siew ruh ïa ki nongtrei ruh kam ïahap satia bad lait noh tang katto katne ki Kharkhana kiba bud ryntih ïa katkum katei ka polisi ka sorkar jylla.
Haba kren sha ki lad pathai khubor, u President kane ka seng, u Bah Wyraiwan Sohtun, ha kawei ka bynta u la ai khublei bad ai ka jingïaroh ïa ki Karkhana kiba la bud ryntih katkum katei ka Polisi ba ka seng ka lap hadien ka jingïaphylliew jingmut bad ki bor pynïaid ki Karkhana, ha kaba ki la bud ryntih ban phai khmat shwa ïa ka kam ka jam na ka bynta ki samla kiba dei ki trai muluk ki trai jaka bad kumjuh ruh ki la siew ïa ka dor ruh katkum katei ka Policy ba la pyntreikam da ka sorkar.
Shuh shuh, u Bah Sohtuh kum u President ka seng, u la pynpaw ïa ka jingsngewkhia kaba jur, namar ki don ki Karkhana kiba la pynkheiñ ïa ki kyndon katei ka Polisi khlem da bud ryntih bad na ka liang ka seng ka la rai ban ujor noh sha ka sha ka tnad Labour ka jylla bad kumjuh ruh sha ka tnad Commerce and Industries khnang ba kin leh katkum ki kyndon ïa ki Karkhana kiba ym but satia katkum katei ka Polisi ka sorkar.
Khatduh eh, u la ong ruh ba ka seng ka mana ruh ïa ki Karkhana ba lada kim lah ban pyntreikam katkum kitei ki Polisi, ka seng kan shim ruh da ka sienjam kaba tyngeh wat lada dei u pud wat ban khang tala bad kane ka dei ka kyrwoh kaba shai sha baroh ki Karkhana ba ki dei ban thungkam shwa ïa ki trai jaka bad ruh ban siew ïa ka dork aba biang katkum ka Polisi bad lada kim bud rybntih ka seng kam base ban leh da ki lad kiba tyngeh, u la bynrap.
