Shillong, Naiwieng 12 : Ka Mizoram ka la lah ban wanphai ha ka jingshah rem da 2-0 da kaba pynliem ïa ka Manipur da 3-2 ha ka ïalehkai kynhun jong ki shynrang ha ka jingïalehkai phainal bad khur takma Ksiar ha ka jingïalehkai phainal jong ka 2nd North East Olympic Games 2022 ha Indoor Hall, NEHU.
Ka jingïalehkai ba khatduh jong kane ka sngi kadei ka jingïalehkai kaba itynnad bha ha kaba ka Mizoram ka la ïakhun tyngeh bad wanphai da ka nam jop hadien ba ka la mad nam rem arsien ha ka Manipur bad khur ïa ka takma Ksiar, ïa kaba la sam da u Working President jong ka Meghalaya State Olympic Association u Bah John F Kharshiing.
Baroh ar tylli ki kynhun jong ka izoram bad Manipur ki la mih ban ïalehkai nyngkong ha ka phainal ha ka liang ki kynthei, ha kaba ka Mizoram ka la lah ban wanphai da kaba pynliem ïa ka Manipur.
Ki kynhun kiba la mad nam rem ha ka semifinal ha baroh ar ki kyrdan ïalehkai ki la ïoh da ka takma Rnong, bad kine ki kynthup ïa ka Nagaland bad Meghalaya ha ka liang ki shynrang bad ka Meghalaya badTripura ha ka liang ki kynthei.
Ka jingïalehkai ba para marwei jong ka Table Tennis ka la sdang hynne hi ka sngi Saitjaiñ.
