Jowai, Naiwieng 07: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka sngi Hat Majai ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhun ïalehkai jong ka Sailung Ialong ka la khur namjop hadien ba kala pynliem da 3-1 kol ïa ka Mukhla Raij.
Na ka Sailung Ialong ki lai kol la thep da u Hep Dkhar haka minit ba 39 nangta bud sa ka kol kaba ar na u Madan War haka minit ba 51, ka Mukhla Raij ka la ïoh pynphai ïa ka shikol da u Timmy Ryngkhlem haka minti ba 55.
Ban pynthikna ïa ka namjop ha kane ka jingïakhun, u Sandeep Siangshai u la pynbud sa ïa ka kol kaba lai ha ka minit ba 71 na bynta ka Sailung Ialong.
La pyntip ba ka jingïakhun mynta ka sngi Balang (8 tarik Naiwieng, 2023) kan long hapdeng ka Shangpung Lumiawmushai pyrshah ïa ka Mynthong bad ka jingïalehkai kan sdang ha ka por 2 baje nohphai sngi.
