Khliehriat, Naiwieng 07: Ka lympung ïalehkai jong ka kyrdan Super Division Football Tournament 2023 kaba la long hynne ka sngi ha madan Deinchynrum, Khliehriat bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong ka Rymbai Wahshnong SC kala pynliem da 1-0 kol ïa ka Rymbai Iawpynsing, bad ïa kane ka shi kol jong ka R. Wahshong SC la thep da u Arnold Pusein haka 29 minit.
Ha ka jingïakhun kaba ar, kaba la long hapdeng ka Rymbai Skhenshynriah SC pyrshah ïa ka Sutnga SSCC kila ïa poi sha ka jingïakhaid da mar shikol 1-1.
Dei ka Rymbai Shkenshynriah SC kaba la lamkhmat ïa ka jingïakhun lyngba u Hikaidame Bareh haka minit ba 24. Hynrei ka Sutnga SSCC ka la ïoh ban pynïakhaid lyngba u Ioanis Suchen haka minit ba 61.
Ka jingïakhun ha ka 9 tarik Naiwieng kan long hapdeng ka Thangskai Tiger SC pyrshah ïaka Dhana SC nangta ka Khliehriat West YWSC pyrshah ïa ka Moolamanoh SC.
