Jowai, Naiwieng 28: Ka lympung ïalehkai phutbol kaba la tip kum ka “3rd Sniawbhalang Dhar Football Tournament 2023” ïa kaba la pynïaid daka West Jaiñtia District Sports Association, (WJDSA) Jowai kaba la long mynta ka sngi ha madan Wahiajer Stadium Wahiajer West Jaiñtia Hills District.
Haba phai sha ka jingïakhun kaba nyngkong ka kynhun ïalehkai jong ka Mynsgat bad ka Thadmusem kila poi sha ka jingïakhaid da mar shikol 1-1, ïa ka kol na ka Thadmusem la thep da u Heisuk Shadap haka minit ba 20, katba na ka Mynsgat la thep da u Carlus Hadia haka minit ba 40.
Ha ka jingïakhun kaba ar hapdeng ka Khonsaro bad ka Umplu Umshangiar kine ruh kila poi sha ka jingïakhaid da mar shikol 1-1, ïa ka kol na ka Khonsaro la thep da u Kamjuhhi Ksoo haka minit ba 21, katba naka Umplu Umshangiar la thep da u Eladmi Sungoh 44.
Ha ka jingïakhun kala lai ka Nongmulieh Sehlama kala lah ban pynliem da 1-0 kol ïaka Mookhnang, ïa katei ka shikol na ka Nongmulieh Sehlama la thep da u Dacha Rymbai haka minit kaba 73.
Katba ha ka jingïakhun kaba saw ka Mookbu kala pyliem da 2-0 kol ïa ka Madanrtiang, ïa ka kol na ka Mookbu la thep da u Shem War haka minit ba 46 bad u Yobiang Biam haka minit ba 55.
Ka jingïakhun na ka bynta lashai ka sngi 30.11.2023 ka long haka por 8 baje shiteng mynstep hapdeng ka Myngkrem pyrshah ïaka Mooker, haka por 10 baje shiteng mynstep ka Pdienïadaw pyrshah ïaka Mookjat, haka por 12 baje shiteng nohphai sngi ka Nongkhroh pyrshah ïa ka Maskut, katba haka por 2 baje shiteng nohphai sngi ka Myngor pyrshah ïa ka Moobakhon.
