Jowai, Naiwieng 29: U Sub-Divisional Officer (Supply), Amlarem Civil Sub – Division ula pyntip paidbah ba yn pyllait shen ïa u khaw NFSA (AAY & PHH) bad u khaw Non-NFSA na ka bynta u bnai Naiwieng 2023.
ïa ka bhah jong u khaw AAY yn sam ha ka jingthew kaba 35 Kg shi ïing, khlem da hap ban siewdor. ïa ka bhah jong u khaw PHH yn sam ha ka jingthew kaba 5 Kg shi khlieh, khlem da hap ban siewdor.
Katba ïa u ka bhah jong u Khaw Non-NFSA yn sam ha ka dor 14/- shi kilo.
Ka ophis ka bthah ïa ki paidbah kiba dei hok ban ïoh ïa une u khaw rashon ba kin leit shim na ki jaka die rashon (Fair Price Shop) kiba don ha ki shnong ki thaw jong ki. Lada don kino kino ka jingbym ïoh lane ka jingshim dor palat ïa kaba la buh da ka sorkar, dei ban ai jingtip mar mar sha ka ophis u SDO (Supply) Amlarem Civil Sub-Division, khang ba yn ïoh ban pynshitom ïa kiba donkti.
Lah ruh ban ujor sha kine sha u Sub-Inspector da kaba phone ha u number; 9436110184/8731025753 lane ha ka Email: sdo_amlarem@outlook.com
