Jop ka Ñiaw Wasa da 2-1 ïa ka YC Pdengkarong

0

Jowai, Jymmang 22: Ka kynhun ïalehkai jong ka Ñiaw Wasa Utd kala jop da 2-1 kol ïa ka Youth Club Pdengkarong haka jingïakhun jong ka lympung ïalehkai phutbol ba la tip kum ka Meghalaya State League (MSL) 2023 (Jowai Zone) kaba la long mynta ka sngi ha madan Kiang Nangbah Stadium Jowai.
Haba phai sha ka jingïakhun kala long kaba ïakhiat bha hapdeng kine ki ar kynhun kila la ïakhun tyngeh bha bad kane kala pynhun ïa kiba nongwan peit kai mynta ka sngi. Ha ka jingïakhun hapdeng kine ki ar kynhun na ka liang ka Niaw Wasa United kala ïoh ban pynkhih ïa ka jar lyngba u Dashngiañ Sukhlaiñ ha ka minit ba 40, bad ïa ka kol ba ar da u Dreamson Suchiang haka minit ba 81 bad. Katba na ka liang ka Youth Club Pdengkarong ïa katei kawei ka kol la thep da u Marshal Nongrum ha ka minit ba 26 jong ka jingïakhun.
Ka jingïakhun ban long lashai ka sngi (Tuesday) 23.05.2023 kan long hapdeng ka Seiñpynbhalang SC pyrshah iaka Rymbai Iawpynsing SC ha ka por 2 baje shiteng nohphai sngi.

Leave A Reply

Your email address will not be published.