Jowai, Jymmang 22: Ki paidbah jong ka sor Jowai ki la pynpaw ka jingsngewkia halor ka jingïai bteng ki briew ban shong die jingdie ha ki lynti ïaid jong ka Jowai, wat hapdeng ka jingud jong kiba bun.
Ki paidbah ki la pynpaw ka ka sor Jowai ka la nang khapngiah bad ki surok ruh ki dap beit da ki kali bad kane ka la buh jingeh ïa ki ban ïaid kjat haba ki lynti ïai dkjat la dap da ki nongdie jingdie.
Na ka liang jong ki, ki la pynpaw ba ki bor pyniaid ka Municipal ne ki bor ba dei peit ïa kane ka jaka ba kin pyrkhat lem ïa ki Khynnah skul ha kaba ki hap ban ïaid hapdeng ka jingsyier mynsiem. Ki la ong ba ki bor ba dei peit bad kine ki nongdie jingdie kidei ban ïapynbeit lang khnang ban nym mad jingeh ki paidbah ba leit ba wan.
