Jop ka Newhill bad ka Lumpyrtuh Mihmyntdu ha ka jingïakhun Quarter Final ka 3rd Division ha Jowai

Jowai, Nailar 30: Ka jingïalehkai phutbol jong ka 3rd Division Football Tournament 2024 kaba la tip kum ka 4th U Adelbert Laloo Memorial Trophy, kaba la pynlong da ka West Jaiñtia Hills District Sports Association (WJDSA), ka la poi sha ka jingïakhun jong ki ar tylli ki Quarter Final ha ka Sngi Thohdieng (30.08.2024).
Ha ka jingïalehkai kaba nyngkong ka Newhill ka pynliem ïa ka Riatsaliya Mihmyntdu da 2-0 kol, kiba la thep da u Fabies Gatphoh ha ka minit kaba 70 bad u Simeon Suchiang ha ka minit wa 80+2.
Katba ha ka jingïalehkai kaba ar pat ka Lumpyrtuh Mihmyntdu kala jop ïa ka SCSC Nonglatem da 2-0 kol, ïa ki kol la thep da u Arwan Rymbai ha ka minit kaba 39 bad u Yooluti Pakma ha ka minit kaba 46 jong ka jingïakhun.
Ka jingïalehkai Quarter Final jong kane ka lynpung kan long biang ha kane ka sngi Saitjaiñ ha kaba ka Myrjai kan iakhun pyrshah ia ka Pasyih Cultural ha ka por 12:30 mynsngi bad ka Mookaswan Dongwahkan iakhun pyrshah ia ka Mulang Ialong ha ka por 2:30 nohphai sngi.