Jowai, Nailar 29: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai, kaba la long ha ka 29 tarik Nailar ha madan Kiang Nangbah Stadium Dongmihsngi, Jowai.
Ha ka jingïakhun ba nyngkong ka Luti Tuber Ialong bad ka Risingsun Mukhla ki la ïakhaid da mar 1-1 kol. Ïa ka kol na ka Luti Tuber Ialong la thep da u Marbhah Dhar (24 min). Na ka liang ka Risingsun Mukhla pat ïa ka kol la thep da u Stopper Bang (49 min).
Katba ha ka jingïakhun kaba ar ka Iawmulong Nartiang kala pynliem da 1-0 kol ïa ka Shangpung Khliehmushut, ïa katei ka shikol la thep da u Living Suja haka minit ba 13.
