Jowai, Nailur 20: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long ha kane ka Sngi Thohdieng (20 tarik u Nailur) ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Mukhla Umlangchor kala pynjemkhnap haduh 6-1 kol ïa ka Mowtyrshiah. U Niawkor Sari u la khyrwit hat trick na bynta ka Mukhla Umlangchor, lyngba ki kol haka minit ba 40, 70 & 77 , u Rio Lyngdoh u la ïoh ban pynkhih ar kol (45 & 49 minit), bad u Teei Sumer shi kol haka minit ba 51. Ïa ka shikol na ka Mowtyrshiah la thep da u Ban Suchiang haka minit ba 33.
Ha ka jingïakhun kaba ar ka kaba la long hapdeng ka Khliehmyngkrem bad ka NSA kala poi sha ka jingïakhaid da mar 3-3 kol. ïa ki kol na ka Khliehmyngkrem la thep da Marle Khlem haka minit ba 18 & 47 bad u Damon H Nongjngi haka minit ba 44.
a ki kol na ka NSA la thep da u Richard Pasi haka minit ba 20, u Heimon Phawa ha ka minit ba 40 bad u Phidalis Dkhar haka minit ba 61.
