Shillong, Nailur 03: Ka jingïalehkai jong ka lympung U-20 4th DIVISION Football League 2023 ba la pynïaid da ka Shillong Sports Association kaba long hynne ka Sngi Thohdieng ha madan 3rd Ground, MFA Turf , Polo ha ka por 4 baje jan miet.
Ka jingïalehkai kaba nyngkong, ka Madan S&CC ka la jop da 2 – 1 kol ïa ka Lumpyngngad SC. Na ka Madan S&CC ki ar kol la thep da u Arbandelnes Khongsngi (15 min) bad u Phermanbha Lyngdoh (45min). katba ka shi kol ïa ka Lumpyngngad SC la thep da u Donlang Kharsyiemiong (35min).
Haba phais ha ka jingïakhun kaba ar, ka Laitumkhrah SC ka la rem da 1 – 2 kol ha ka Nongkolew SC. Ka shi kol na ka Laitumkhrah SC la thep da u Nangtei Kharbani (70min). Katba na ka bynta ka kynhun ba khur namjop, ka Nongkolew SC ki ar kol la thep da u Pynshailang Kharbani ( 55 & 70+5 minit).
