Jied nongkitkam thymmai ka MBA jong ka samoi 2022-26, u Bah Cornelius Kharhunai kum u President

Shillong, Jymmang 22 : Ka Meghalaya Boxing Association (MBA) ka la ïoh ban pynlong ïa ka Annual General Meeting (AGM) bad ïa ka elekshon treikam jong ka samoi 2022-26 ha ka 20 tarik Jymmang 2023 ha Guest House jong ka ICSSR kaba la sdang naduh ka por 11 baje mynstep.
Ha katei ka AGM bad elekshon jied nongkitkam thymmai la wa ban ïadonlang ki nongpeit pyrman (observer) na ka Boxing Federation of India (BFI) u Digvijay Singh uba dei u Treasurer ha ka jingsynran lang u Hemanta K Kalita uba dei u Secretary General ka BFI, katba na ka liang ka Meghalaya State Olympic Association (MSOA) la wan ban peit pyrman da u Bah P. Laloo uba dei Joint Secretary. Ïa ka elekshon la pynïaid da u Bah Mawshabor Ryntathiang uba dei u advocate.
Ha kane ka elekshon jied nongkitkam ba thymmai, u Bah Cornelius Kharhunai u la shah jied kum u President na ka bynta ka samoi 2022-26. Kiwei kiwei ki nongkitkam kiba thymmai jong ka MBA, ki kynthup u Johnwell G Momin, u Bah Despitol Sun kiba dei ki vice-president, u Bah Dondor Marweiñ uba dei u Secretary.
La jied arngut ki Joint Secretary ba kynthup u Bah Khraw Kharmawphlang bad u Bah Jimy B Shadap, treasurer la ïoh ban jied ïa u Bah Daniel. W Marbaniang. Nalor kitei ki nongkitkam kiba hakhmat la ïoh ruh ban jied ïa hynriew ngut ki dkhot jong ka Executive Committee ba kynthup u Bah Teibor Kharkongor, Chongkam G Momin, Noyontho Marak, Bah Kyrshanlang Wahlang, Bah Wanbait Ksoo bad u Bah Hubert Marbaniang.