Jowai, Lber 05: Ka Dorbar shnong Pdengshakap kaba pynïaid ïaka jingïalehkai football jong ka ïakaba la tip kum ka 9th Secondary School Football Knock- out Tournament 2022-23, ha kane ka sngi saitjainñ bala dep kala ïoh ban pynïalehkai ïaki artylli ki jingïalehkai Quarter final ba khatduh.
Ka jingïalehkai Quarter final ba nyngkong ka long hapdeng ka Lakashiang FC pyrshah ïaka Thangbuli Yswc hakaba ka Lakashiang fc kala lah ban pynliem noh ïaka Thangbuli Yswc da ka jingïashut Tie-breaker da 4-1.
Haka jingïalehkai ba ar pat ka Pdengkarong Utd kala lah ban pynliem noh ïaka Amlarem social club daka jingiashut Tie-breaker hi. Hapdeng jong ka jingïalehkai ka Amlarem sc kala lah ban pynkhih jar nyngkong eh lyngba u Nikhil Rymbai haka 20 minit hynrei ka Pdengkarong Utd pat kala lah ban pynphai pat ïakane ka shikol lyngba u Diah Lamare u player jong ka Amlarem hi kaba u la kum thep hi shaka kol lajong(own goal).
Haba u referee u la rah shaka jingïashut Tie-breker ka Pdengkarong Utd kala jop da 7-6.Te naka liang jong ka Tournament committee ka pynbna baka jingïalehkai Semi-Final ba nyngkong kan long haka 11tarik mynta u bnai(sngi saitjaiñ) hakaba ka Tariang fc kan ïaleh pyrshah ïaka Lakashiang FC haka por 2baje nohphai sngi. Te naka liang jong ka Tournament committee Pdengshakap sa shisien ka khot bad wer lang ïa baroh ki pait ieit football ban wan sakhi lang ïakane ka jingïalehkai Semi-Final. Kane kalong katkum na u kyrwoh bala phah da u Sports Secretary bah Oriswell Khyriem.
