Ka khana lyngkot shaphang uwei na ki khlawait ka ri lum Jaiñtia,u woh Tep Kyndait

Khliehriat Lber 5: U woh Tep Kyndait u dei u wei na ki khlawait ka ri lum Jaiñtia uba na ka shnong Tuber Kmaishnong, u dei u wei uba ïeng pyrshah ïa u Syiem Jaiñtia uba kyrteng u Amratap Sing namar ba une u syiem u la phah kylla niam Hindu ïa baroh ki khun ki raiot ka ri lum khat ar Doloi.
U tei u syiem u la phah da u syiem khynnah jong u, u Rapo Ram Sing ban ïaleh pyrshah ïa u Tep Kyndait ha kaba ki la ïaleh da ka thma ba la khot ka thma Nongsyntoiñ ha u snem 1669 bad ha kane ka thma u woh Tep Kyndait u ka pynrem ïa utei u syiem khynnah.
Hynrei, ha ka por ba ïakren ïasuk hapdeng u woh Tep Kyndait bad u Syiem ka Hima Jaiñtia, une u Syiem u la pyniap ïa u woh Tep Kyndait.
Kum ka dak ka jingkynmaw burom ïa utei u khlawait, ka Seiñ Raij Tuber ka la tei nam da u mot sah kynmaw ha shnong Tuber Kmaishnong bad une u mot u don ha rud ka surok nationla highway, u long uba itynnad bad wandur bha, ha kaba kiba bun ki briew kiba na jan bad kiba na jngai ki ju sngewtynnad ban leit kiew kai sha duh kliar utei u mot.