Shillong, Jylliew 13: Ka khubor ba la ïoh na ki pulit la ïathuh ba u Millindro B Marak u la phah ka jingujor ba ha ka 4 tarik mynta u bnai, u la phah rah haduh 210 tylli ki song jong u kwai na Tura (WGH) ban pynpoi sha Shillong ha kawei ka trok kaba don u nombar AS-01NC-7538 ba la ñiah da u Nitul Ali.
Shuh shuh utei uba la ujor u la ïathuh ba ha kane ka juh ka sngi ha ka por kumba 11 baje mynstep, utei u nongñiah u la pyntip sha u ba ha ka por 5 baje janmiet un sa poi sha Shillong. Hynrei utei uba ujor ula shem pat hadien ba ka mobile phone jong u ka la switched off.
