Amlarem, Jylliew 12: Ka Sub-Divisional Officer (Supply), Amlarem Sub-Division kala pyntip paidbah ba ka Sorkar India lyngba ka tnad Food and Public Distribution, kala pyntreikam ïa ka rukom sam marbam thymmai da kaba pyndonkam da ki WhatsApp No hapoh ka jingthmu “Anna Sahayata” sha baroh ki nongïoh jingmyntoi hapoh ka PMGKAY.
La kyrpad ïa baroh ki nongïoh jingmyntoi ki sngewbha ban leh ïa kane ka jingthmu bad ban pynthikna ba ki Mobile Number jong ki dei ban pynïasoh bad ki Card Rashon, khnang ban pynkhlaiñ shuh shuh ïa ka jingshakri ha kaba ïadei bad ki skhim jong ki marbam ka sorkar.
La bthah ruh ïa ki nongdie jingdie (FPS) ba kin pyni lang ïa ka QR Code ban ïarap ïa ki nongïoh jingmyntoi ban tip lyngba ki WhatsApp No haka por ba sam ïa u khaw.
La kyrpad ïa ki paidbah ban ïatreilang da kaba pyndep ïa ka pynthymmai ïa ki Mobile Number bad ki Card Rashon ha ka por kaba biang. Ha ka juh ka por ki nongïoh jingmyntoi ki lah ban leit wad jingtip lyngba ki dukan Fair Price Shop kiba jan tam lane sha ka ophis ba dei peit ïa ka (Supply) jong ka Sub-Division Amlarem.
