Ïoh rah ka Mawreng ïa ka First Interdong Knock Out FT 2023 jong ka Eibanroy Langstieh Channel

Shillong, Kyllalyngkot 16 : Ka jingïalehkai kynjatbol ba la pynïaid da ka Eibanroy Langstieh Channel ha ka shnong Ladmawreng, ka la poi sha kaba kut ha ka sngi Saitjaiñ jong ka taïew ba la dep ha kaba ka Mawreng Jr Academy ka la ïoh rah nam lahduh da kaba pynliem da 1-0 kol ïa ka Lumsohriew.
Ha kane ka sngi la wan ban pynshong shit da u nongrwai ba paw u Bah Wanjop Sohkhlet bad la don lang ruh ka Kong Ibamut kurbah bad la pynïaid ïa ka jingïalang da u samla Pynbhalang Lyndoh, la ïoh jingkren ruh na u Bah Banroi Kharbangar, Eibanroy Langstieh, C.Kurbah ba dei u Rangbah Shnong Ladmawreng uba la ai mynsiem ïa ka kynhun ba kan nang ïai trei shitom. La ïoh ruh ka jingkren na u Kongsan u Bah Beyond Kurbah, uba dei u kyrtong ka UPD ban ïa aireng ha ka elekshon MLA 2023 na Mawphlang Constituency uba mih ha ka jaka jong u Bah Eugeneson Lyngdoh.
Ha katei ka sngi u Bah Beyond u la ong ba ki rynsan social media ba kynthup ka Youtube ha kine ki sngi kadei ka lad ai kam ai jam ïa ki khynnah ki samla kiba nang ban pyndonkam ïa ka, ym tang ha ka rwai hynrei ha kiwei kiwei ruh lah ban ak khnang bad ban pynbyrngia ïa u paidbah uba ju sngewtynnad ban peit. U la ai nuksa ruh kum kiba na Laitjem ki don ki Youtube Channel kiba nangbha ban ak bad itynnad, “Ka long kaei kaei kaba pynlait ïa ki briew na ka jingsniew jong kane ka pyrthei,” ong u Bah Beyond da kaba ai ruh ka jingkitbok ïa ki player jong ka Mawreng bad ka Lumsohriew ba kin nangtrei shitom bad nang nangkiew shaphrang ha ka kam jingleh kai sport.
Ha kane ka sngi la don lang ruh u player ba paw jong ka Jylla Meghalaya u Bah Weone Kurbah, uba dei u para trai jong u Bah Beyond Kurbah.