Ha la ïing yn sdang ka Meghalaya ban ïakhun semifinal pyrshah ïa ka Bihar

0

Shillong, Kyllalyngkot 16 : Ka Meghalaya kan sa aireng nyngkong ha la ïing pyrshah ïa ka Bihar ha ka jingïakhun semifinal jong ka lympung ïalehkai Ranji Trophy na ka Plate Group kaban sdang naduh lashai ka sngi Ba ar ha madan Polo.
Ka jingïalehkai kan sdang naduh ka por 8:30 baje mynstep, bad la shah sngewbha ïa baroh ki riew ieit kriket ban wan sakhi ïa katei ka jingïalehkai.
Ka BCCI ka la pynbeit thymmai ka rukom pynïalehkai na ka Plate Group mynta ka samoi, ha kaba ki saw tylli ki team na ka jingïalehkai group stage kin ïoh rung sha ka semifinal. Ki nongjop na kitei ki ar tylli ki jingïalehkai kin ïoh rung sha ka final bad kin ïoh ruh ban rung sha ka Elite Group ha ka samoi ban wan.
Ka Meghalaya ka la ïoh rung da kaba pyndep ha ka kyrdan ba nyngkong na ka Plate Group, da kaba khur nam jop sawsien pyrshah ïa ki kynhun kiba khlaiñ. Ka Sikkim ka don ha ka kyrdan kaba ar, ka Manipur ha ka kyrdan ba lai bad ka Bihar ha ka kyrdan kaba saw.
Ka Meghalaya ka la pynliem teng ïa ka Bihar mynta ka samoi ha ka jingïalehkai ha la ïing, ha kaba ka la lah ban wanphai da kaba pynliem da saw wicket ha ka jingïalehkai ha ka 29 tarik Nohprah 2022.
Kumta ka kynhun ka buh thong ba kan ïalehkai bha ha ka semifinal, da kajuh ka rukom ïalehkai ha kaba ka la ïalam ïa ka kynhun ban bat kyrdan ba nyngkong na ka Plate Group.

Leave A Reply

Your email address will not be published.