Jowai, Risaw 21: Ka Sengkhihlang ka la pynlong ïa ka General Meeting jong ka mynta ka sngi 21/10/2023 ha ka office treikam jong ka Seng Bah ki nongshad nong khien ha Banium East Khasi Hills District, ha kane ka General meeting jong ka Sengkhihlang la wan ban ïa shim bynta da ki Secretary/President ki dkhot jong ki tnad Sengkhasi bad Sein Raij bapher bapher.
Ha kane ka General Meeting u General Secretary u la pule ïa ka General Report ne ka report treikam jong ka Sengkhihlang bad la ïoh ban ïa pule ïa ka jingïoh bad ka jinglut jong ka Sengkhihlang, te kumta hadien ka General report la ioh ban pynthymmai ïa ki nongkitkam jong ka Sengkhihlang na ka bynta ka Samoi treikam ba 3 snem katta naduh u snem 2023 haduh u snem 2025.
ïa kane ka jingïa jied ïa ki nongkit kam ba thymmai ka Sengkhihlang la pynïaid ïa ka da u Chairman ba shipor u ba dei u President ka Sengbah ki nongshad nongkhien bad u Langdoh Niam ka Seiñ Raij Mukhla kum u nongbuh ïa ki jingthoh, kumta ki paidbah ba wan sha kane ka jingïalang ka Sengkhihlang ki la jied biang ïa u Rgh, H. Robin Kurbah ba un long biang u President ka Sengkhihlang na ka bynta ka samoi ba 3 snem, ïa u General Secretary ki paidbah da kawei ka jingmut ki la jied biang ïa u Rgh, Mario Biam ba un shimti biang ia ka kam General Secretary ka Sengkhihlang, bad la jied ruh u Rgh, Moses Lyngdoh, Rgh, Marshan Lnygdoh Mawphlang kum ki Vice President ka Sengkhihlang, la jied ruh ïa u Rgh, Welcome Kurbah, Rgh, Heipormi Lyngdoh kum ki Asst. General Secretary ka Sengkhihlang, la jied ruh ïa ka kang, Santina Lyngdoh Mawlong kum ka Treasurer, la jied ïa u Rgh, Standbyme Sari kum u Publicity Secretary ka Sengkhihlang bad la jied ruh ïa Rgh, Hamar Kharmar kum u Secretary jong ka Art & Culture bad ïa u Rgh, Tiplem Sumer kum u Chairman jong ka Art & Culture jong ka Sengkhihlang.
La jied ruh ïa ka Auditor jong ka Sengkhihlang da u Rgh, Wanbha Lyngdoh bad ka kong Mira Dkhar, te ha ka juh ka por ruh la ïoh ban jied ïa ki Executive Members jong ka Sengkhihlang na ki tnad Sengkhasi bad Seiñ Raij bapher bapher mynta ka sngi. Kane ka long katkum ka jing pyllait khubor u Rgh, S. Sari Publicity Secretary ka Sengkhihlang.
