Jowai, K,Lyngkot 11: Ka Community Institute of Technology (CIT) Mowkaiaw Centre, ha ka 10 tarik mynta u bnai ka la ïoh ban pynlong ïa ka Felicitation Programme ban sam ïa ki Certificate ryngkat ki start up tools ïa ki 34 ngut ki trainees kiba la pyndep ïa ka tranning ha 2 (ar) tylli ki trade ha ka Tailoring bad Embroidery hapoh Mowkaiaw Centre jong ka CIT.
Ha katei ka sngi lah pynphuh pynphieng da ka jingdonlang u bah A Malngiang, General Manager, DCIC Jowai uba long u kongsan (Chief Guest) ha katei ka sngi ryngkat ka jingdonlang ma Lambormi Suchen, Skill Development Officer, MSSDS, West Jaiñtia Hills
Ka Community Institute of Technology (CIT) Centre ka la lah ban pyndep ban hikai training suhjaiñ bad thaiñ Embroidery ïa 34 ngut ki khynnah kynthei na ka bynta ka jingthmu ban pynshlur ïa ki samla ban sengkam lajong. Ïa kane ka training la ai jingkyrshan da ka Meghalaya State Skill Development Society, Govt. of Meghalaya lyngba ka Skills Meghalaya Project.
Ha kane ka sngi la ïoh ban sam ïa ki Certificates ïa ki trainees kiba la dep pyndep ïa ka training da u bah A. Malngiang, General Manager, DCIC Jowai uba long ruh u Chief Guest ha kane ka sngi bad ha kane ka sngi ruh la sam ryngkat ki tiar suhjaiñ bad ki Embroidery kit sha ki trainees kiba long ki start up tools na ka bynta jong ki.
Ha kane ka sngi ruh la ïoh ban sam sha ki 17 Tylli ki long ïing baduk ïa ki sopti bad jingsuh balah dep suh da ki trainees.
Ha kaba ai jingkren u kongsan ha kane ka sngi u la ai shibun ki jingtip shaphang ki lad seng kam lajong lyngba ka tnad Commerce and Industries bad u la pashat ruh shibun ki jingmut bad ki lad ki lyntina ka bynta ki trainees ban long kita ki nongsengkam.
U la ai ka jingïaroh na ka bynta ka CIT kaba la trei shitom ban wanrah kum kine ki jait training shaduh sha ki jaka ba kham kyndong bad u la kyntu ba ki trainees ki dei ban pyntbit shuh shuh ïa kane ka kamba ki lah sdang khnang ba kan long kaba ai jingmyntoi ïa ki nangne shakhmat.
Ïa ka prgramme la pynïaid da bah L. Lanong u Director jong ka CIT bad lah ïoh ruh ka jingkren na ka samla Cordiality Shadap iwei ka ki trainees bad kumjuh ruh na u ma Lambormi Suchen, SDO, MSSDS.
