Ïap ngam jyllop uwei u briew ha ka wah Myntdu

0

Jowai, Ïaïong 30: Mynta ka sngi uwei u briew ula ngam jyllop ha ka wah Myntdu ha ka por kumba 11 shiteng mynstep eiei, ïa utei u briew la tip kyrteng u Dawansame Najiar, 33 snem ka rta ba shong ba sha ha Loompyrdi, Iongpiah Jowai.
Ki pulit hadien bala ïoh jingtip ïa kane mar mar kila hiar sha katei ka jaka ha ryngkat ka kynhun Special Rescue Team, FES Shillong bad ïa ka met jong u la ïoh ban khwai ha ki bynta jong ka Mutong Syntu Ksiar ha ka por 3 baje shiteng noh phai sngi.
Na ka liang ki pulit kiba shimti ïa katei ka met ban leh ïa ka post mortem ha Jowai Civil Hospital, ha ka jingtohkit ym shem la lap kano kano ka dak ba suba sniew bad ïa ka met la aiti noh sha kiba ha ïing da ka jingaibor u ADM khlem da leh shuh ïa ka post mortem.

Leave A Reply

Your email address will not be published.