Shillong, Ïaïong 30: Ka Voice of the People Party (VPP) ka la ther tyngeh ïa ka sorkar MDA ba la ïalam da ka National People’s Partyhalor ka jingpynlip bording ha ka jylla da ki bun bun kynta ha ka shising.
“Ka jingpheil ka sorkar ha ka tnat bording ka long kaba shyrkhei haduh katta katta bad imat kam poi ka por ba ngin ym ïoh bording shuh syndon ha ka jylla,” ong u Bah Ardent u President ka VPP haba ïakren bad ki lad pathai khubor.
“Ngim ïoh bording da ki bun bun kynta ha ka shisngi na ka daw ka load shedding ka sorkar, namarkata, ka sorkar ka la pheil ban peit ïa ka kam bording ha ka jylla,” u la bynrap.
U Bah Ardent u la buh jingkylli ruh halor ka rai ka MeECL ban pynlip bording ha ka por mynsngi bad ha ka por miet ruh kumjuh.
“Ha ka jingshisha ha ka jylla kiba bun hi ki pyndonkam bording ha ka por mynsngi ban ïa ka por mynmiet bad ka jingdonkam bording ka jur ha ka por mynsngi. Nga ïohi ba kam don jingmut ban pynliep bording ha ka por mynmiet,” u la ong.
Ha kawei pat ka liang u Bah Ardent u la ong ba ka jinghap mad ka jylla ïa ka jingduh bording ka dei namar ka sorkar kam shym la lah ban pyntrei ïa ki projek pynmih bording naduh ki snem kiba la leit.
Shuh shuh u la kynnoh ba wat la ka sorkar ka la kynnoh ba wat la ka sorkar ka la dep ban plie ïa ka Ganol project hynrei kam lah ban pynmih bording wat tang shi-unit ruh.
U la ong ruh ba ka sorkar kam ju lah ban pyntreikam ïa ki jingai jingmut na bynta kumno ban weng ïa ka jingduna bording ha ka jylla.
“Ka long kaba donkam ïa ka sorkar ban shimkhia ïa ka tnat Bording jong ka jylla bad ban wad ki lad ban pynmih bording kat kum ka jingdonkam ka jylla.
