Shillong, Ïaïong 30: Ka Hynñiewtrep Youth Council (HYC) ha ka sngi Saitjaiñ ka la phah da ka dorkhas sha u Vice Chancellor (VC) ka North Eastern Hills University (NEHU) ban dawa ba kane ka skulbah ka dei ban thung da ki trai muluk kum ki Professor bad assistant Professor ha katei ka skulbah.
“Ki don byllai ki nonghikai nadpdeng ki Khasi-Jaiñtia kiba la biang pura ka kyrdan pule kumba ka pan ka NEHU na bynta ban long Professor bad Assistant Professor, na kata ka daw ngi ai jingmut ba ka NEHU ka dei ban buh kham ha khmat ïa ki Khasi-Jaiñtia ban ai ïa katei ka kam,” ong ka dorkhas ka HYC sha u VC ka NEHU.
Ka seng ka la maham ruh ba lada ki bor ka NEHU ki leh klet ïa kane ka jingdawa, na ka liang jong ka long kaba la kloi ban pynlong da ki jingïakhih.
