Khliehriat Rymphang 18: Saw tylli ki masi kiba heh, ki la ïap ingkhong na ka daw ka jingpluh ka sem masi ha shnong Mookhep, East Jaiñtia Hills District, ka jingkem ding kynsam ka sem masi ka la jia mynta ka sngi ha ka por kumba 12.30 mynsngi bad ym pat lah ban tip na kaei ka daw ba kem ding katei ka sem masi.
Katkum ka jingïathuh u bah Shyamanath Roy, uba dei u trai jong kitei ki masi, la ong ba ki kali pynkip ding mar mar ki la poi ha katei ka jaka hynrei ym shym la lah shuh ban tehlakam ïa ka ding kaba klang haduh ba ka ding ka la bamduh ploiñ ïa ka sem masi bad kumjuh ruh ïa ki masi bad ka la long ka jingduh nong kaba khraw ïa u kum u nong ri masi, uba ju im kamai da kaba ri masi.
