Jowai, Naiwieng 29: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun hapdeng ka Mukhla Raij SC pyrshah ïa ka Nangbah Mulang kila poi sha ka jingïakhaid da mar 5-5 kol, ïa ki kol na ka Mukhla Raij SC la kum thep bakla (own goal) da u Noel Dkhar haka minit 16, u Timmy Ryngkhlem lai kol kata haka mimit ba 20, 90+4 & 90+5 bad u Diya Singh haka minit 88. Na ka liang ka Nangbah Mulang la thep da u Mebanjop Hinge haka minit ba 2, u Chanhok Siangshai haka minit ba 41, u Woldrick Susngi haka minti ba 69 & 90 bad kawei ka kol la kun thep bakla (own goal) bakla da u Ram Bang haka minit ba 90+5.
La pyntip ba ka jingïakhun mynta ka sngi 30.11.2023 kan long hapdeng ka Ladthadboh pyrshah ïa ka Shangpung Lumiawmusiang haka por 1 baje shiteng nohphai sngi.
