ïaid flag march ki bor pahara ha Khliehriat ban weng ia ka jingsyier ki nongthep vote

Khliehriat rymphang 21; Na ka liang ki bor pahara kaba kynthup ïa ka Meghalaya Police bad ki Central Agency, kila ïaid Flag March hynne ka sngi ha Khliehriat Constituency, East Jaiñtia Hills, ban pynshlur ïa ki nongthep vote ba kin ïa mih paidbah ban thep ïa ki vote jong ki ha kane ka elekshon MLA ban long ha ka 27 tarik Rymphang.
Ïa kane ka Flag March la pynlong hynne ka janmiet por 1 baje eiei bad ka thong hi ka long ban weng ïa ka jingtieng jingsmiej na ka jingmut jingpyrkhat jong ki paidbah nongthep vote ba kin leit thep ïa ki vote khlem ka jingsheptieng ïano ïano ruh.
Ki jaka kiba la pynlong ïa ka Flag March ki kynthup ïa ki jaka kiba ha ki thaiñ Dkhiah, Ladrymbai, Rymbai, Iapmala bad Byndihati.