Shillong, Kyllalyngkot 31 : Ka Meghalaya Football Association (MFA) hapoh ka jingïalam jong u President jongka bah Hamletson Dohling MLA ba rim ka Mylliem bad myntri sorkar ba rim,ka dap da ka jingsngewkmen kaba khraw bad ai ka jingïaroh ïa ka kynhun ïalehkai phutbol jongka jylla kiba la ïoh ban rah ïa ka nam lahduh ha ka Khelo India Youth Games 2024 ha Tamil Nadu.
“ Kane ka jingjop ym dei tangba ka pyni ïa ka sap ba kyrpang bad jingaiti lut ba ki samla ki la sei hynrei ka la rah khamtam eh ïa ka nam bad burom jongka jylla hakhmat ka ri India.Kane ka jingjop don burom ym dei tangba ka wanrah nam ïa ka jylla hynrei ka long ruh kum ka jingai mynsiem ïa ki riew ïalehkai phutbol ha kylleng ka jylla” ong ka kyrwoh.
“Ngi ai burom bad kit bok kit rwiang ïa ki nongïalehkai phutbol, ïa ki Coach bad baroh kiba la ïadon bynta lang ban poi sha kane ka thong. Kane ka jingjop don burom ym tang ba ka rah shajrong ïa ka nam ka Meghalaya ha ka liang ka kam ïalehkai sport hynrei kan dang pynskhem shuh shuh ïa ka jingngeit jong ngi ba ngi don da shisha ki nongïaleh kai phutbol ba tbit ha ka jylla” pynkut ka kyrdoh na u President ka MFA ban Hamletson Dohling.
