Hapoh ka jingïalam Modi, ki baduk basuk ha ka ri ki la tyngkai palat 25,000 klur lyngba ki BJAK: Amit Shah

New Delhi, K’Lyngkot, 08: U Myntri Sorkar Pdeng ba dei khmih ïa ki tnat Kam Pohiing bad Cooperation, u Amit Shah u la ai jingkren ha ka prokram ban sam ïa ki store code ban pyntreikam ïa ka Pradhan Mantri Bharatiya Jan Aushadhi Kendra sha ki PACS jong 5 tylli ki Jylla ha New Delhi mynta ka sngi. U Myntri Sorkar Pdeng uba dei khmih ïa ki tnat Health and Family Welfare bad Chemicals & Fertilizers, Mansukh Mandaviya, Myntri Khynnah ka tnat Cooperation u B.L. Verma bad kiwei kiwei ki kynrem ki lyndan ki la ïadon lang ha kane ka sngi.
Ha ka jingkren jong u ha kane ka seminar, u Amit Shah u la ong ba hapoh ka jingïalam jong u Myntri Rangbah Duh, u Narendra Modi, la rai ban pynkhlaiñ ïa ki Primary Agricultural Credit Society (PACS) ha ka bor pisa da kaba pynïasoh ïa ki bad kiwei kiwei ki kam bad ba mynta ka sngi la pynïar ïa kane ka thong. U la ong ba ki 2373 tylli ki PACS ha kylleng ka ri ki dei kiba dang tei kum ki dukan dawai ba jem dor lane ki Jan Aushadhi Kendra. La shim ïa kane ka sienjam ban pynurlong ïa ka jingkular ba la ai da u Myntri Rangbah Duh, u Narendra Modi. U la ong ba ki Jan Aushadhi Kendra ki kham bun ha ki jaka sor bad namar kane ki dei tang ki briew ba duk ba suk ha ki nongbah kiba ïoh jingmyntoi lyngba ki dawai kiba T 10 haduh T 30, hynrei mynta, lyngba ki PACS, ki dawai ba jem dor kin poi lang sha ki ba duk ba suk bad ki nongrep ha ki jaka nongkyndong.
U u la ong ba da ki snem, ka Bharat ka la dei ka nongïalam ha ka pyrthei ha ki kam shna dawai bad ha kine ki 10 snem ba la dep, u Myntri Rangbah Duh, u Narendra Modi u la wanrah shibun ki jingkylla ha ki kam ba ïadei bad ki dawai bad mynta, ka Bharat ka la long ka ri kaba don jingshaniah kum ka nongpynmih ïa ki dawai ha ka pyrthei baroh kawei. Hynrei ka long kaba phylla ba ha Bharat, kaba phah ïa ki dawai sha kylleng ka pyrthei, 60 klur ngut ki briew kim ïoh ïa ki dawai namar kim lah ban thied ïa ki dawai ba rem dor. Hynrei u Myntri Rangbah Duh u la rah shakhmat ïa ka Jan Aushadhi Kendra bad da kaba rah shakhmat ïa ka kam kaba ïadei bad ka jingshna ïa ki dawai ha ka ri, u la tei ïa ka prokram ha kaba baroh kiba duk ba suk ki lah ban ïoh ïa ki dawai ha ka dor kaba 8% haduh 30%. Kane ka la kyntiew bha ïa ka koit ka khiah ha ki jaka nongkyndong.
U Shah u la ong ba ha kine ki 9 snem ba la dep, kumba T 25,000 klur ka pisa jong ki briew ba duk ba suk jong ka ri ka dei kaba la tyngkai lyngba ki Jan Aushadhi Kendra. U la ong ba mynta ki Jan Aushadhi Kendra kin kham ïar ha ki jaka nongkyndong lyngba ki kam cooperative bad ha kine ki sngi ban wan, ki ba duk ba suk kin ïoh ïa ki dawai ba bha ha ka dor kaba jem. U la ong ba u dap da ka jingkmen ba ki kam cooperative kin plié lad ïa kane ka sienjam.
U Shah u la ong ba ka jingïawan lang jong ka jingïatreilang bad ka koit ka khiah ka dei ka jingïawan lang jong ka jingriewspah bad ka koit ka khiah. U la ong ba mynta la sdang ïa ki PACS lyngba ki kam cooperative ha ki jylla bad kumba 2300 tylli ki primary cooperative society ha ki jylla Gujarat, Jammu and Kashmir, Karnataka, Madhya Pradesh, Maharashtra, Tamil Nadu, West Bengal bad ka thaiñ shatei lammihngi ki pynbiang ïa ki dawai ba jem dor ha ki jaka nongkyndong.
U la ong ruh ba mynta ka sngi la ai ïa ki certificate sha 5 tylli ki PACS na kylleng ka ri ba kynthup ïa ka Maharashtra, Bihar, Jammu Kashmir, Uttar Pradesh bad Andhra Pradesh. U la ong ba ka tnat Cooperation ka la trei shibun ki kam hapoh ka jingïalam jong u Myntri Rangbah Duh, u Narendra Modi ban pynïar ïa ki cooperative. Hapoh kane, ka tnat Cooperation ka la kyntiew ïa ki kam jong ki cooperative bad lyngba 56 tylli ki cooperative, ka tnat Cooperation ka la wanrah jingriewspah sha kiba duk ba suk. U la ong ba ka Tnat Cooperation ka la buh ïa ka thong ban seng 2 lak tylli ki PACS ba thymmai ha ki 5 snem ban wan bad ba kan don kumno kumno kawei ka PACS ha man ka Panchayat jong man ka shnong ha ka ri. U Shah u la ong ba ngi dei ban ïaid shaphrang da ka jingkut jingmut ban pynurlong ïa ka jingthmu u Narendra Modi ban pynkylla riewspah ïa man u briew uba duk ba suk lyngba ka jingïatreilang shuwa u 2047.
U la ong ba ka nongrim jong ka jingïatreilang kam lah ban urlong khlem ka PACS. U la ong ba haba ka Tnat ka la rai ban seng 2 lak tylli ki PACS ba thymmai, ka la don ka jingkylli balei kane ka la sah dien bad balei la khang ïa ki PACS. Na kane, la lap ba khlem don ka bynta ban kynthup ïa kiwei kiwei ki kam lait na ki kam ai ram ha ki kam rep ha ki aiñ kiba ïadei bad ki PACS. Kumta, ngi la pynkhreh ïa ki aiñ bad ngi la phah ïa kine sha ki jylla bad ki la ïakren bniah shaphang kane. Mynta, baroh ki PACS ha ka ri ki la pdiang ïa ka aiñ. La kyntiew kyrteng ruh ïa ki PACS ba thymmai hapoh ka aiñ.
U Shah u la ong mynshuwa ki PACS ki ju peit ïa ka kam ai ram ha ka rep ka riang, hynrei mynta la pynïasoh ïa ki PACS bad ki kam ba ïadei bad ki micro ATM bad ki Kisan Credit Card. Mynta lah ruh ban plie ïa ka Animal Husbandry Promotion Center & CSC ha ki PACS bad lah ruh ban book ïa ki tiket rel.
U la ong ba la rai ban phaikhmat kyrpang sha ki PACS na ka bynta ka kam sam LPG ruh. Ka Tnat Petroleum ka la weng ïa ki jingeh ba ïadei bad ka jingtreikam ki petrol pump. Mynta ki PACS ki lah ban pynïaid ïa ki petrol pump. U la ong kumba 27 tylli ki jylla ki la ai jingmynjur ïa ki PACS ban pynlong ïa ka campaign ‘Har Ghar Nal se Jal’ na ka bynta man ki longiing. Nalor kane, ki PACS ki lah ruh ban pynïaid ïa ki dukan die dawai ba jemdor bad ki dukan reshon. Mynta 35000 tylli ki PACS ki don bynta ha ka jingsam ïa ki sboh ha ka ri. Ngi la bynrap shuh shuh sa 22 tylli ki jait kam hapoh ki aiñ ba thymmai, bad namar kane mynta ki PACS kim lah ban khang bad ki ïohnong shibun.
U la ong lyngba ki lad ‘buh tiar’ ba la pynbiang da u Myntri Rangbah duh, u Narendra Modi, ki PACS mynta ki lah ban shna ïa ki jaka buh tiar kiba katkum ka juk mynta ha ka jingpynlut kaba duna. Lyngba kane, ym tangba kan long ka jaka buh khaw bad u kew jong ki tehsil bad ki jylla jong ki, hynrei kan pynsuk ruh ïa ki nongrep ban buh ïa ki mar rep jong ki ha kine ki jaka kumba katto katne por. U la ong ba ha ki lai snem ban wan ki PACS jong ka ri kin don ïa ki jaka buh mar ba heh tam ha ka pyrthei.
U la ong ba tang hapoh 6 bnai, la ïohpdiang 4470 tylli ki aplikeshon PACS na 34 tylli ki jylla bad ki union territory, na kine la ai jingmynjur 2373 tylli. Na kine, 248 tylli ki PACS ki la sdang ïa ka kam jong ki. U la ong ba hapdeng ki jingeh kiba bun, ki PACS ki la pyni ba ma ki ruh ki lah ban trei ïa ki kam khaii pateng.
U Shah u la ong ba hapoh ka jingïalam jong u Secretary ka Tnat Cooperation la pynlong bun ki jingïalang bad ka Pharmacy Council of India, Pharmacy Council jong baroh ki jylla bad baroh ki sorkar jylla ha kaba ïadei bad ka Jan Aushadhi Kendra’. La thung ruh 40 ngut ki field officer ki ban ïarap ïa ki PACS ba kin pynïaid ryntih ïa ki kam. U la ong ba ki la don shibun ki jingpynkylla na ka bynta ki PACS. La pdiang ïa ki aiñ 84000 PACS model Bye- Laws, u Myntri Rangbah duh u Narendra Modi u la ai T. 2516 klur na ka bynta ban pyndonkam ïa ki kor computer ha ki PACS, ha kaba baroh ki PACS kin lah ban trei 20 tylli ki jait kam ba thymmai. La sdang ïa ka kam ban pyndonkam ïa ki kor computer ha 62000 tylli ki PACS, bad ka jingpyrshang ka la sdang mynta ha 10080 tylli ki PACS bad la pyndonkam pura ïa ki kor computer ha 1800 tylli ki PACS. U la ong mynta 28 hajar tylli ki PACS, kiba trei kum ki CSC ki ai palat 300 tylli ki lad jingshakri jong ka Sorkar India sha ki paidbah.
U Myntri ka Tnat Cooperation u Shah u la kyrpad ïa baroh ki dkhot jong ki PACS kiba ïadonlang ha ka jingïalang ban bud ryntih ïa ki aiñ. Pule ïa man ka skhim jong ka Tnat Cooperation, Sorkar Indïa da kaba peit ha ka website jong ka, bad jam shakhmat ha kata ka rukom ba man ki PACS ki long ka jaka pdeng jong ka bor bad ka roi ka par ha ka shnong jong phi.
U Shah u la ong ba u Myntri Rangbah duh, u Narendra Modi u la sdang shibun ki prokram na ka bynta ka koit ka khiah jong ki briew jong ka ri. Kam don kano kano ka skhim kum ka Ayushman Bharat Yojana ha kano kano ka jaka ha kylleng ka pyrthei. Hapoh kane ka skhim, ka Sorkar India ka shim jingbahkhlieh ïa baroh ki jinglut jingsep ha ka jingshah sumar kaba haduh T. 5 lak na ka bynta 60 klur ngut ki briew. Nalor kane, ka Mission Indradhanush ka ai jingïarap ïa baroh ki jait dawai tika ïa man ki khunlung ha ka jingdon briew kaba 130 klur. Ka kam ka dang ïaid shaphrang ban ai ka umdih kaba khuid sha man ka longiing lyngba ka Jal Jeevan Mission. Nalor kane, la sdang ïa ki prokram ba ïadei bad ka jingkhuid jingsuba bad ka koit ka khiah lyngba ki prokram ba bun kum ka Yoga, AYUSH, Fit India. La shim ïa ki lad ban pynbiang ïa ki paiñkhana ha man ki iing.
U la ong ba u Myntri Rangbah duh, u Narendra Modi u la wanrah ïa ka rukom treikam Bharatiya kaba thymmai na ka bynta ka jingim kaba lait na ka jingpyndonkam ïa ki dawai da kaba kynthup lang ïa baroh lai tylli, ka AYUSH, ka rukom rep tynrai bad ki mar bym pyndonkam dawai. U la ong ba ka mang tyngka jong ka ri ba ïadei bad ka koit ka khiah ha u snem 2014 kalong T. 33000 klur. U Myntri Rangbah duh u Narendra Modi u la kyntiew ïa kane sha ka T. 90000 klur. Nalor kane ka jingpynlut ha kaba ïadei bad ka koit ka khiah ka la kiew na ka T. 1000 sha ka T. 2000. La pynlut T. 200 klur na ka bynta ki jingdon jingem ba ïadei bad ki lad digital ha ki kam ka koit ka khiah katba mynshuwa kam shym la don kum kane ka jingmang tyngka.
U Shah u la ong da kaba pynïasoh lang ïa ki prokram bapher bapher kum ka Pradhan Mantri Jan Arogya Yojana, Ayushman Yojana, Pradhan Mantri Health Infrastructure Yojana, Pradhan Mantri Swasthya Suraksha Yojana, National Health Mission, Malaria Free India, Mission Indradhanush for universal vaccination, TB Eradication programme, Matru Vandana Yojana, Janani Suraksha Yojana, National Mental Health Programme, Fit India, Khelo India bad ka Dialysis Programme, u Myntri Rangbah duh u Narendra Modi u la trei ban kyntiew ïa ka koit ka khiah jong ki briew ba duk ba suk, khamtam ki khynnah bad ki samla. U la ong ba hapoh ka Pradhan Mantri Jan Aushadhi Yojana, mynta ka jingdon ki Jan Aushadhi Center ka la kiew palat 10,000, ha kaba ki don palat 2260 tylli ki dawai bad ki tiar.
Shuh shuh u la ong ba ka India ka wan ba nyngkong ha ki kam shna dawai ha ka pyrthei ha ka jingpynbiang ïa ki dawai ba shna ha ka ri, ki dawai tika bad ki dawai HIV ba duna dor. Ngi wan ba ar ha ka jingpynmih ïa ki briew kiba la tbit ha ki kam shna dawai bad biotech. Ka India kaba wan ba lai ha pyrthei ha ka jingpynmih ïa ki dawai. U la pynpaw ka jingsngew skhem ba hashuwa u snem 2047, ka India kan long kaba nyngkong ha pyrthei ha baroh ki liang bad ka jingangnud jong u Myntri Rangbah duh u Narendra Modi ïa ka ‘Atmanirbhar Bharat’ kan sa urlong. U la ong ba mynshuwa ka Bharat ka ju shalan ïa ki dawai ba shongdor T. 90145 klur sha ka pyrthei, hynrei mynta ka shalan ïa ki dawai ba shongdor T. 183000 klur. U la ong bun ki ri ha kylleng ka pyrthei kim lah ban shna ïa ka dawai tika, hynrei hapoh ka jingïalam jong u Myntri Rangbah duh, ki scientist jong ngi ym tangba ki shna ïa u dawai tika hynrei ki pynpoi ruh sha ki briew ba duk tam ha man ki shnong jong ka ri, ïa u dawai tika bad ka certificate kaba la ïada ïa ki na ka Corona.