Tura, Kyllalyngkot 20 : Ka Meghalaya mynta ka sngi Saitjain, ka la pyllait paidbah ïa la ka jong ka jingrwai State Anthem ha Tura, kaba la urlong hadien 52 snem ba ïoh ïa la ka jong ka Jylla ba pura.
ïa kane ka Anthem la thaw da I (L) Bah Neil Nongkynrih bad ka Shillong Chamber Choir bad la bynrap ïa ki jingtem na la tynrai da ka kynhun Summersaulth bad Nokpante.
ïa ki kyntien ha ka ktien Khasi la thoh da u Myntri Sorkar Bah Paul Lyngdoh, u Bah Kit Shangpliang, Nongrwai ka Summersaulth bad ki Dkhot jong ka Shillong Chamber Choir.
Ka Iris Watre kala thoh ïa ki kyntien ha ka ktien Garo bad ïa ki kyntien ha ka ktien phaeng la synniang da I (L) Bah Neil Nongkynrih, bah Paul Lyngdoh, Chamber Choir bad ki Ophisar ka Tnad Arts & Culture.
ïa kane ka Anthem la pyllait lyngba ka kor online da u Lat ka Jylla Phagu Chauhan ha ka jingïadon ryngkat u Myntri Rangbah ka Jylla Conrad K Sangma, ka MP ka Tura Agatha Sangma, Myntri Sorkar Ampareen Lyngdoh, u Chief Secretary Bah DP Wahlang bad ki Ophisar ka Tnad Arts & Culture.
