Ha ka sien ba nyngkong yn ïoh pynlong ka Tura ïa ki jingïalehkai lympung BCCI

0

Shillong, Kyllalyngkot 16: Ka madan kriket ‘Alotgre Cricket Ground’ ha Tura kan pynlong ïa ka jingïalehkai ka lympung jong ka BCCI ha ka sien ba nyngkong hapdeng ka Meghalaya pyrshah ïa ka Bengal ha ka U-23 Col CK Nayudu Trophy 2024-25 ka ban sdang naduh ka 25 tarik Kyllalyngkot.
Ka la long ka jingangnud kaba la slem bha jong ka Meghalaya Cricket Association bad ka Tura District Cricket Association ban wanrah ïa ka lympung BCCI sha Garo Hills bad ka jingtrei shitom jong baroh ha kaba ïadei bad kane ka kam ban pynpoi ïa kane ka madan sha ka kyrdan kaba donkam ka la seisoh
La kyrmen ruh ba ka jingpynlong ïa ki jingïalehkai kriket ha kane ka kyrdan kan nang ai mynsiem shuh shuh ïa ki samla ïalehkai kriket na Garo Hills ban shimti ïa kane ka jingïalehkai bad ki don katto katne ngut ki nongïalehkai kiba na Garo Hills kiba la shah jied da ki nongjied ka MCA na ka bynta ka jingïalehkai ban wan.
Yn pynbiang ïa ki jaka shong na ka bynta ki paidbah bad ka jingïalehkai kan sdang ha ka por 8 baje mynstep ha ka 25 tarik mynta u Kyllalyngkot.
Ka MCA hynne ka sngi Palei ka la pynbna ïa ka thup kyrteng jong ka kynhun na bynta kane ka jingïalehkai bad ïa ka ban sa wan, kaba yn sa ïakhun pyrshah ïa ka Vidarbha ha Nagpur naduh ka 1 tarik Rymphang.
Na ka bynta kane ka jingïalehkai ka ban sah jingkynmaw ha Alotgre, ki nongïalehkai na Khasi-Jaiñtia Hills ki dei ban leit sha madan MCA ha Polo, Shillong, ha ka 22 tarik Kyllalyngkot ha ka por 6 baje mynstep na ka bynta ban leit sha Tura. Katba kito kiba na Garo Hills ki dei ban leit beit sha Tura ha katei ka tarik ba la kdew.
Ka thup kynhun jong ka Meghalaya pyrshah ïa ka Bengal & Vidarbha: Kevin S Christopher (C), Manish Sharma (VC), Rohit Kr Yadav, Sachin Kumar (WK), Abhishek Kumar, Kush Agarwal, Gavineal J Marpna, Bipin Kr Ray, Josiah Momin, Swastic Chettri, Bharat Gurung, Gulgul M Sangma, PM Santhosh, Thunun Marak (WK), Argeas Cham Cham Sangma
Standbys: Joydeepan Deb, Purav Agarwal, Avinash Rai, Banialam Mylliemngap, Navin K Rai
Support staff: Neetesh Sharma (Head Coach), Synrapsing Riahtam (Assistant Coach), Emidao Dhar (Physio), Skhembor Khongbtep (Trainer), Chuba R Marak (Manager)

Leave A Reply

Your email address will not be published.