Duh thiah duh dem ki kyrkong ban ap ïaka result elekshon, mynra yn mih ka rai khatduh ki paidbah

Nongpoh, Lber 01: Satang kumba katto katne kynta ba yn sdang noh ïaka jingñiew vote ban pynbna ïaka result jong ki nongjop kiban shah jied ban leit mihkhmat naki constituency bapher bapher sha ka ïing Dorbar thawaiñ ka jylla, lah ban ong ba bun naki kyrtong kiba ïakhun ha kane ka elekshon khamtam kiba sngewthuh ba ki don hapdeng ka jingïakhun ba jur bad don ka jingkyrmen ban jop kim nang thiah nang dem shuh ban poi noh kata ka sngi ñiew vote ban tip ïaka result ba ki paidbah kila dep ban jied haka 27 tarik Rymphang.
Bun naki paidbah kila pynphriang ruh ïaka jing kyndeh bad khih dohnud jong ki kyrtong haki rynsan social media halor ka jingkwah jong ki ban poi noh kata ka sngi ñiew vote, ban tip ïaka rai ba khatduh jong ki paidbah, bad wat ki nongkyrshan ba radbah kim nang thiah nang dem shuh ban poi kata ka sngi ban tip shai ba ki kyrtong ba ki kyrshan kin poi sha u thong ka jingjop.
Kum ban shu pynpaw ki kyrtong kiba mih ban ïa khun ha kane ka election na ka 08-Mawhati Constituency ki kynthup ïa u Bah Charles Marngar, Congress, (INC), u Bah Baïahunlang Makdoh, na ka UDP party, u Bah Shemphang Lyngdoh na ka party NPP, u Dr. Evarist Myrsing na ka BJP, ka Kong Evalyni Kharbani na ka HSPDP, ka Dr. Saralin Dorphang na ka TMC party, u Bah Roswell Shadap na ka PDF party bad u Bah Osbert B Rynjah kum u kyrtong shimet.
Ki kyrtong kiba ïa khun pat na ka 09-Nongpoh Constituency ki kynthup ïa u Bah Mayral born Syiem, na ka party UDP, ka Kong Macdalyne Sawkmie Mawlong na ka party NPP, ka Kong Rona Khymdeit na ka party Congress, (INC), ka Kong Marian Maring na ka party BJP, u Bah Long Singh Bey na ka party TMC bad u Bah Bismo Ingtih kum u kyrtong shimet.
Na ka 10- Jirang Constiteuncy ki kyrtong ki kynthup ïa u Bah Sosthenes Sohtun na ka party NPP, u Bah Bathok Nongmalieh na ka party UDP, u Bah Adrian Chyne na ka party Congress, (INC), ka Riya Sangma na ka party BJP, u Sunmoon D.Marak na ka party TMC, ka Serimina D. Marak na ka party Republican Party of India (RPI), u Forcaster Nongrang kum u kyrtong shimet bad u Bah Lee Bareh kum u kyrtong shimet.
Na ka 11- Umsning Constituency ki kyrtong ki kynthup ïa u Bah Jason Sawkmie Mawlong na ka party NPP, u Bah.Sunshine Makri na ka party UDP, u Dr. Celestine Lyngdoh na ka party Congress, (INC), u Bah Donlang Sohkhlet na ka party PDF, u Bah Ricky AJ Syngkon na ka party VPP, u Bah Gilbert Nongrum na ka party TMC, u Bah Duruth Majaw na ka party BJP bad u Bah Primson Makdoh na ka party HSPDP.
Ki kyrtong pat kiba ïakhun na ka 12-Umroi Constiteuncy ki kynthup ïa u Bah George Lyngdoh na ka party TMC, u Bah Damanbait Lamare na ka party NPP, u Bah Stanlywiss Rymbai na ka party Congress (INC), u Bah Baïateilang Lapang na ka party PDF bad u Bah Shanbor Ramde na ka party BJP. Haba khein kyllum ki kyrtong na ki san tylli ki Constituency kiba don ha Ri Bhoi ki la kot sha ka 35 ngut bad lashai kan dei ka rai ba khatduh jong ki paidbah ban pynbna syndon mano ban leit mihkhmat naki 5 tylli ki Constituency ka Ri-Bhoi.