Shillong, Rymphang, 15: Ka Khasi Jaiñtia Christian Leaders Forum (KJCLF) ka la khot bad wer ïa ki paid Assamese bad ïa ki paidbah nongshong shnong jong ka thaiñ ba kin kiar na ki kam ba wanrah ïa ka jingsahbiej bad ban pyrshah ïa ki nongkam bymman pyrshah ïa ki jaidbynriew bapher bapher.
Ha u kyrwoh ba la phah da u Secretary ka KJCLF u Rev Dr. Edwin H. Kharkongor, ha ka sngi Palei u la ong, “ki dkhot jong ka Khasi Jaintia Christian Leaders Forum, Shillong ki la dap da ka jinglyngngoh halor ki jingshah thombor, ka jingïalam bakla bad ka jingbyrngem ban leh da ka bor ïa ki skul ba la pynïaid da ki Khristan wat hapdeng ka jingshakri ba ki ai sha ka imlang ka sahlang bad ha ka ri baroh kawei. Ka paw ba ki kynhun thombom ki dap da ka mynsiem jingisih bad isih ïa ki Khristan ritpaid ha ka thaiñ, da kaba pynlong sohpdung ïa ki shlem kiba ai jinghikai bad kiba aiti na ka bynta ka bha ka miat jong ki samla bad ka lawei ka jong ki.”
“Ha kawei pat ka liang, da ka jingwanrah ïa ka aiñ-rew (Bill) ban khang ïa ka jingpynkoit ba shu leh bajikor ‘magical’ ha ka kyrteng ka jingai jingsumar da ki nongpynkhiah, ha Assam ka jingkhang noh na ka bor ka long pyrshah ïa ka jingmut jong ka jingmane, ka jingduwai, ka jingngeit, ka jingim mynsiem kaba kynthup ha ka jinglongbriew,” ong u kyrwoh.
“Da ka lariti bad ka mynsiem ka jinglong kawei hapoh ka thaiñ, ka KJCLF ka kyrpad ïa ki paid Assamese bad ïa ki nongshong shnong ka thain ban khnñiot ïa ki nongkam bymman jong ka jingisih bad ban pyrshah ïa kito kiba bthat ïa ka jingngeit bad ka jingkyrmen ha ka jingim,” la bynrap u kyrwoh
“Ka Forum ka kyntu ïa ki kmie ki kpa bad ïa ki paidbah ba kin ïada ïa ki shlem ai jinghikai bad ki nonghikai kiba aiti lut ban kdew lynti na ka bynta ka bha ka miat bad ka lawei jong ki khynnah. Ka Forum ka
urges the parents and members of the society to protect the institutions of learning and the teachers who are committed to offer guidance for the welfare and future of their children. The Forum ka pynshlur ruh ïa ki nongshong shnong ban ïada ïa ka jingkyntang jong ka jingngeit ba la kdew lynti da ka mynsiem ïatip lem bad ka jingmut jingpyrkhat, bad ki dei ban kren pyrshah ïa ki bor kiba thmu ban pynduh pyndam ïa ka kolshor jong ka suk ka saiñ hapdeng ka imlang ka sahlang,” la bynrap u kyrwoh.
