Nongpoh, Kyllalyngkot 17: Ka long ka jingkyrkhu ïaka skul St. Paul’s Higher Seconadry School Nongpoh hadien ba mynta ka sngi kala ioh pdiang syndon ïaka Work Order kaba T. 29,42,880/- ban thied ïaka School Bus bala pynmang pisa da ka Chief Minister Special Development Fund.
Ïa katei ka Work Order la leit ban aiti da ka kong Macdalyne S Mawlong kaba dei ka MDC jong ka Umsning bad ka kyrtong jong ka NPP ka thmu ban aireng na Nongpoh Constituency ha kane ka elekshon ban wan bad ha katei ka sngi la sakhi ruh da ka jingdonlang u Fr. Peter Syiemlieh Parish Priest ka Nongpoh Parish, ki nonghikai lem bad kiwei kiwei ki riew rangbah.
Haba kren ha katei ka sngi naka liang ka kong Macdalyne S Mawlong kala pynpaw ka jingsngewkmen kaba khraw hadien baka St. Paul’s Higher Secondary School kala ioh pdiang ïa katei ka jingpynmang ban thied ïaka School Bus naka bynta ban shakri ïaki khynnah skul na kylleng ki jaka kiba leit ban pule ha katei ka skul, hadien ka jingkyrpad sha u Myntri Rangbah bad um shym la kyrngah ha kaba mardor u la aiti da katei ka School Bus kumba la donkam da ki khynnah jong katei ka school.
Shuh shuh kala ong ruh lyngba katei ka school Bus kan long ka jingkyrkhu ïaki khynnah skul haka leit ka wan bad kyrmen skhem ba katei ka bus kan ai ka jingshakri kaba paka sha ki khynnah skul katei ka thaiñ bad ha u bnai Lber naka liang u Myntri Rangbah u la kular ban ai biang sa kawei ka school bus sha katei ka school.
