Jowai, K’Lyngkot 17: Ki bor pynïaid ka Seng ki khynnah skul jong ka Ri India kaba la tip kum ka Akhil Bharatiya Vidyarthi Parishad (ABVP) ha ka thong ban wanrah ka jingïa juh ïajan hapdeng ki dkhot ka seng kiba don hapoh ka Jylla, naduh ka 13 tarik haduh ka 15 tarik u Kyllalyngkot 2023 kila pynlong ïa ka 6th State Conference ha Yungwalieh ka Dorbar Chnong Chilliangraij, Jowai.
Ha ka jingïalang jong kane ka 6th State Conference kaba la long ha ka 14 tarik lawan ban don lang da ka Padmashre Award ka kong Trinity Saioo kum ka kongsan, u Hamarsing L. Kharhmarkum u symbud kongsan, u Ashish Chauhan National Organising Secretary ABVP, u Dr. Sashankutalang Khongthohrem State President, u Tengku M. Marak State Secretary ABVP, u S.K. Lato Chairman Reception Committee, u Skemjingmut Law, Secretary Reception Committee bad kiwei ki riewrangbah.
Ïa ka jingïalang jong kane ka sngi la pynïaid da ka Sumarlin Mawlong State Social Media Convenor ha kaba u S.K. Lato Chairman Reception Committee ula ai ki kyntien pdiang burom bad la ïoh ruh ka jingkren na u Dr. Sashankutlang Khongthohrem, State President ABVP bad u Skemjingmut Law, Secretary Reception Committee.
Ka Padmashree Award Kong Trinity Saiookum ka kongsan ka la ai ki kyntien sneng kyntien kraw bad ai mynsiem ïa ki dkhot ka ABVP katba u Hamarsing L. Kharhmar haba kren ai mynsiem u pynkynmaw ïa ki dkhot ka ABVP halor ki laitylli ki kyntien maitphang ka seng kiba ong “Knowledge-Character-Unity”.
Shuh shuh ha kane ka jingïalang u Ashish Chauhan, National Organising Secretary ABVP ula kren bad ïathuh shaphang ki nongrim treikam ka seng Akhil Bharatiya Vidyarthi Parishad (ABVP).
Ha kine ki lai sngi jong ka 6th State Conference la pynlong ïa ki prokram ba kynthup ïa ka Proseshon kum ban ai jingshai shaphang ka seng ABVP bad ruh ladon ki Cultural Prokram bad kiwei kiba lah ban khring ïa ka pyrkhat pyrdaiñ ki dkhot ka ABVP kiba lawan na ki District bapher bapher jong ka Jylla.
